26.11.2024 | 13:25
Վրաստանի խորհրդարանի նախագահն առաջարկել է նախագահի ընտրությունն անցկացնել դեկտեմբերի 14-ին
Ազատության հրապարակը մտադիր են սալիկապատել բնական քարերով
21.04.2023 | 17:35
Տիգրանի Ավինյանի հանձնարարականով քննարկվում է Ազատության հրապարակում բնական քարերից (բազալ, գրանիտ) սալիկապատում իրականացնելու հայտը: Այս մասին ֆեյսբուքյան իր էջում գրել է Երևանի քաղաքապետարանի աշխատակազմի շինարարության և բարեկարգման վարչության պետ Խորեն Գրիգորյանը։ Գրառման մեջ նշվում է, որ նախագծանախահաշվային փաստաթղթեր կպատվիրեն աշխատանքներն իրակնացնելու համար:
Քաղաքապետարանի լրատվության վարչությունից Factor.am-ին փոխանցեցին, որ դեռևս հայտնի չէ, թե որքան գումար է պահանջվելու աշխատանքների համար, քանի որ քաղաքապետարանը նախահաշիվ պետք է կազմի։
«Ազատության հրապարակը Հայաստանի ամենաներկայանալի, մեծ շուք ու պատմություն ունեցող հրապարականերից է։ Այնտեղ անընդհատ մենք բարեկարգման աշխատանքներ էինք կատարում, ճաքեր էին գոյանում, և որպեսզի նմանատիպ խնդիրներ չունենանք, այս սկզբունքով ենք գնացել, որ ավելի պատշաճ լինի և երկար ծառայի», – պատասխանեցին քաղաքապետարանից։։
Նշվեց, որ Ազատության հրապարակը բնական քարերով սալիկապատելու աշխատանքները կսկսվեն սեպտեմբերից ոչ շուտ։
