Պապիկյանը` կանանց ծառայության, Փաշինյանը` ակադեմիական քաղաքի «մեգանախագծի» մասին. Լուրեր

• Ապրիլի 20-ին՝ ժամը 15:40-19:00-ն ընկած ժամանակահատվածում, Ադրբեջանի ԶՈՒ ստորաբաժանումները տարբեր տրամաչափի հրաձգային զենքերից կրակ են բացել Վերին Շորժայի հատվածում տեղակայված հայկական դիրքերի ուղղությամբ՝ թիրախավորելով նաև ինժեներական աշխատանքներ իրականացնող տեխնիկան: Այս մասին տեղեկացնում է ՀՀ ՊՆ-ն։ Հայկական կողմը կորուստներ չունի: Ժամը 23:00-ի դրությամբ իրադրությունն առաջնագծում հարաբերականորեն կայուն է:
• Կառավարության այսօրվա նիստի ժամանակ ՀՀ պաշտպանության նախարար Սուրեն Պապիկյանը հայտնեց, որ նախատեսվում է ներդնել իգական սեռի ներկայացուցիչների կամավոր հիմունքներով պարտադիր զինծառայության համակարգ: Նախարարը տեղեկացրեց, որ պարտադիր ծառայության դիմած իգական սեռի քաղաքացիներին ընտանեկան պայմաններից ելնելով վաղաժամկետ արձակման հնարավորություն չի տրվելու, սակայն մինչև զորակոչի օրը նրանք հնարավորություն ունեն հրաժարվելու ծառայությունից: Իգական սեռի քաղաքացիների պարտադիր ծառայության ժամկետը վեց ամիս է: Օրենքի նախագծերը մինչև այս նստաշրջանի ավարտը կներկայացվեն ԱԺ, օրենքի կիրարկումը տեղի կունենա ձմեռային զորակոչի ժամանակ
• ՀՀ կառավարությունն այսօրվա նիստում հաստատեց «Ակադեմիական քաղաք» հիմնադրամ ստեղծելու որոշումը և հիմնադրամի կանոնադրությունը: Նիկոլ Փաշինյանն ընդգծել է, թե սա «մեգանախագիծ է»։

Այս ժամի լուրերը՝ տեսանյութում։