16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ԵՄ անդամ բոլոր երկրների մշտական ներկայացուցիչները համատեղ այցով Կիև են մեկնել
Քաղաքականություն
31.03.2023 | 18:04
Եվրոպական միության անդամ բոլոր երկրների մշտական ներկայացուցիչները համատեղ այցով Կիև են մեկնել: Այս մասին գրում է BBC-ի ռուսական ծառայությունը։
Սա ԵՄ անդամ երկրների բոլոր 27 դեսպանների առաջին միաժամանակյա այցն է Ուկրաինա. նման բան տեղի չի ունեցել նույնիսկ ռազմական գործողություններից առաջ, նշում է աղբյուրը։
Մարտի 30-ն Ուկրաինա ՌԴ ներխուժման 400-րդ օրն էր։ Հենց այս օրվան էլ նվիրված է եղել ԵՄ անդամ երկրների մշտական ներկայացուցիչների այցը, ովքեր նաև հանդիսանում էին անվտանգության և քաղաքականության հարցերով կոմիտեի անդամներ։ Նրանք ժամանել են՝ ցուցադրելու իրենց համերաշխությունը ու հետագա անսասան աջակցությունը Կիևին։
Ուկրաինայի փոխվարչապետ Օլգա Ստեֆանիշինան նշել է, որ ԵՄ երկրների պատվիրակների հետ հանդիպմանը քննարկվել են եվրոպական պաշտպանության համատեղ կառուցումը և Ուկրաինա զենքի ժամանակին մատակարարման կարևորությունը։
«Անվտանգ և կայուն եվրոպական միջավայրի ապագան սկսվում է Ուկրաինայում»,- հավելել է Ստեֆանիշինան։
