18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Հնդկաստանում տաճարում փլուզման հետևանքով 35 մարդ է զոհվել
Քաղաքականություն
31.03.2023 | 14:35
Հնդկաստանում Ինդոր քաղաքի Beleshwar Mahadev հինդուական տաճարում հատակի փլուզման հետևանքով զոհվել է 35 մարդ, փոխանցում են տեղի իշխանությունները։ Փրկարարական աշխատանքները շարունակվում են՝ վերջին տուժածին գտնելու ուղղությամբ, փոխանցում է DW-ի ռուսական ծառայությունը։
Ողբերգությունը տաճարում տեղի է ունեցել նախօրեին։ Տասնյակ հավատացյալներ, որոնք նշում էին Ռամա Նավամի կրոնական տոնը, գլորվել են հատակի տակ գտնվող ջրհորի մեջ։
The Times of India-ի փոխանցմամբ՝ 7,5 մետր խորությամբ ջրհորն ընկածների թվում կան կանայք և երեխաներ, այդ թվում՝ մեկուկես տարեկան երեխա։
Մեկնաբանելով այդ ողբերգությունը՝ Հնդկաստանի վարչապետ Նարենդրա Մոդին հայտարարել է, որ այն իրեն «բացառիկ ցավ» է պատճառել։
«Նահանգի կառավարությունն ակտիվորեն ղեկավարում է փրկարարական աշխատանքներն ու օգնության ցուցաբերումը։ Իմ աղոթքները բոլոր տուժածների ու նրանց ընտանիքների անդամների հետ են»,- հավելել է նա։
Տաթև Ֆռանգյան
