05.11.2024 | 13:25
ՀՀ հայցով Արդարադատության միջազգային դատարանի վճիռը՝ նոյեմբերի 12-ին
Հայաստանը մասնակցել է ՀԱՊԿ զորավարժությունների նախապատրաստման բանակցություններին
Քաղաքականություն
30.03.2023 | 19:19
ՀԱՊԿ միացյալ շտաբում տեղի են ունեցել 2023 թվականին նախատեսված ՀԱՊԿ հավաքական ուժերի հետ համատեղ զորավարժությունների նախապատրաստման վերաբերյալ առաջին շտաբային բանակցությունները, որոնց մասնակցել է նաև ՀՀ-ն, հայտնում է շտաբի մամուլի ծառայությունը։
Տեղեկացվում է, որ մարտի 28-30-ը տեղի են ունեցել շտաբային բանակցություններ։ Դրանց մասնակցել են Հայաստանի, Բելառուսի, Ղազախստանի, Ղրղզստանի, Ռուսաստանի, Տաջիկստանի, ինչպես նաև ՀԱՊԿ քարտուղարության և միացյալ շտաբի շահագրգիռ նախարարությունների և գերատեսչությունների ներկայացուցիչներ։
«2023 թվականին ՀԱՊԿ զորքերի (կոլեկտիվ ուժերի) հետ զորավարժությունների համալիրում կանցկացվի «Մարտական եղբայրություն» համատեղ օպերատիվ-ռազմավարական զորավարժությունների տեսքով, որը կազմակերպության շրջանակում համատեղ պատրաստության բարձրագույն ձևն է։ ՀԱՊԿ պատասխանատվության գոտու տարբեր շրջաններում կներգրավվեն հավաքական անվտանգության համակարգի բոլոր տարրերը»,- ասվում է հաղորդագրության մեջ։
Տաթև Ֆռանգյան
