05.11.2024 | 16:25
Նորք-Մարաշում մեծահարուստներն ամեն մեկն իր տան դիմաց ճանապարհային խոչընդոտ էր դրել, վերացրինք․ Ավինյան․ ՏԵՍԱՆՅՈՒԹ
Կրեմլը հայտարարել է, որ պատերազմը երկար է լինելու և առաջարկել «համախմբվել Պուտինի շուրջ»
Քաղաքականություն
29.03.2023 | 19:25
Ռուսաստանի Դաշնության նախագահի մամուլի քարտուղար Դմիտրի Պեսկովը հայտարարել է, որ «պատերազմը լայն համատեքստում» երկար կտևի, փոխանցում է BBC-ի ռուսական ծառայությունը։
«Եթե նկատի ունեք, ասենք, պատերազմը լայն համատեքստում, այն է՝ թշնամի, ոչ բարեկամ պետությունների հետ հակամարտությունը, հիբրիդային պատերազմը, որը սանձազերծվել է նրանց կողմից մեր երկրի հանդեպ, ապա այն երկար կտևի։ Եվ այստեղ մեզ հաստատակամություն, ինքնավստահություն, նպատակաուղղվածություն ու նախագահի շուրջ համախմբում է պետք»,- հայտարարել է Պեսկովը։
Կրեմլի խոսնակը նաև հայտարարել է, որ Ուկրաինայի հետ ՌԴ նպատակները չեն կարող իրականացվել քաղաքական-դիվանագիտական ուղիով, այլ միայն ռազմական ճանապարհով։
Նախօրեին բրիտանական Guardian-ը գրել էր, որ Պեսկովը ընթրիքի ժամանակ, որին մասնակցել են ռուսական մշակութային և քաղաքական վերնախավի ներկայացուցիչները, զգուշացրել է, որ ընթացիկ իրադարձությունները դեռ երկար կշարունակվեն, և որ դժվար ժամանակներին պետք է նախապատրաստվել։
