16.12.2025 | 14:46
Ակադեմիական քաղաքի զարգացման նոր հայեցակարգ կընդունվի, 2 տարի առաջ ընդունվածն ուժը կորցրած կճանաչվի
ՄԱԿ-ի Անվտանգության խորհուրդը մերժել է «Հյուսիսային հոսքի» վերաբերյալ Ռուսաստանի բանաձեւը
Քաղաքականություն
28.03.2023 | 14:17
ՄԱԿ-ի Անվտանգության խորհուրդը (ԱԽ) չի սատարել ՌԴ-ի բանաձևը՝ կազմակերպության հովանու ներքո միջազգային հետաքննություն անցկացնել «Հյուսիսային հոսք» և «Հյուսիսային հոսք 2» գազատարների վրա պայթյունների վերաբերյալ։ Մարտի 27-ին տեղի ունեցած քվեարկության ժամանակ փաստաթղթին կողմ են քվեարկել միայն ՌԴ-ն, Չինաստանն ու Բրազիլիան, մինչդեռ ԱԽ մյուս 12 անդամները ձեռնպահ են մնացել, գրում է DW-ի ռուսական ծառայությունը։
Բանաձևի համար պահանջվում էր առնվազն ինը «կողմ» քվե և վետոյի բացակայություն ԱԽ մշտական անդամներ Ռուսաստանի, Չինաստանի, Ֆրանսիայի, ԱՄՆ-ի կամ Բրիտանիայի կողմից:
Reuters-ը նշում է, որ «Հյուսիսային հոսքերի» վրա պայթյունները հետաքննող ՄԱԿ-ի հանձնաժողով ստեղծելու մասին ռուսական բանաձևի քվեարկությանը ձեռնպահ մնացած պետությունների մեծ մասն այդ որոշումը բացատրել է ընթացիկ ազգային հետաքննության արդյունքներին սպասելու ցանկությամբ։
Տաթև Ֆռանգյան
