08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ՆԳՆ-ն պատրաստակամ է աջակցելու «Հաւք» ԱԹՍ մրցույթին․ Արփինե Սարգսյան
25.03.2023 | 13:39
Մարտի 24-ին ՀՀ ներքին գործերի նախարարի տեղակալ Արփինե Սարգսյանն ընդունել է Կարեն Վարդանյանի անվան կրթական հիմնադրամի հոգաբարձուների խորհրդի անդամներ Սաթենիկ Մնացականյանին, Արման Պողոսյանին և Վահան Վարդանյանին։
Հյուրերը ՆԳ փոխնախարարին են ներկայացրել «Հաւք» ԱԹՍ մրցույթի նպատակն ու անցկացման մանրամասներ։
Փոխնախարար Սարգսյանը ողջունել է հյուրերին և կարևորել նման միջոցառումների անցկացումը, որոնք միտված են բարձրացնելու փրկարարի և առաջին արձագանքողի աշխատանքի արդյունավետությունը: Արփինե Սարգսյանը Ներքին գործերի նախարարության անունից պատրաստակամություն է հայտնել աջակցել ծրագրին։
Հանդիպմանը քննարկվել են մրցույթի անցկացմանն ու համագործակցությանը վերաբերող հարցեր։
Նշենք, որ «Հաւք» մրցույթի նպատակն է արտակարգ իրավիճակներում փրկարար միջոցառումների արդյունավետության բարձրացման համար անօդաչու թռչող սարքերի կիրառման միջոցով լուծումներ առաջարկելը:
Այն անցկացվում է երեք անվանակարգում՝ դպրոցական, սիրողական և մասնագիտացված։ Մասնակից խմբերին, համապատասխանաբար, առաջադրվում են պարզ, միջին և բարդ խնդիրներ։
Այս տարի «Հաւք 2023» մրցույթը կանցկացվի սեպտեմբերին՝ Լոռու մարզի Լեռնապատ գյուղում:
Հայտերի ընդունումն արդեն սկսվել է։ Մրցույթի մասնակցության հայտերն ընդունվում են մարտի 16-ից ապրիլի 5-ը։
Հայտերն ընդունվում են այս հղմամբ:
