ՀՀ ԿԸՀ պատվիրակությունն ԱՊՀ դիտորդական առաքելության կազմով մասնակցել է 2023 թվականի մարտի 19-ին կայացած Ղազախստանի Հանրապետության արտահերթ խորհրդարանական ընտրություններին։ ՀՀ ԿԸՀ-ից ԱՊՀ դիտորդական առաքելության կազմում ներառված են եղել ԿԸՀ անդամ Աննա Գրիգորյանը և ԿԸՀ իրավաբանական վարչության պետ Լիլիա Հակոբյանը․ տեղեկացնում են ՀՀ ԿԸՀ-ից։
ԱՊՀ անդամ երկրների դիտորդներն այցելել են 832 ընտրատեղամասեր։ Վերջիններս իրենց ամփոփիչ զեկույցներում արձանագրել են, որ ընտրությունների ընթացքի դիտարկման համար անհրաժեշտ պայմաններ են ստեղծվել թե՛ տեղական և թե՛ միջազգային դիտորդների համար։ Ընտրատեղամասերը համալրված են եղել անհրաժեշտ սարքավորումներով։
