25.11.2024 | 17:11
ՀՀ ԱԳՆ-ի արձագանքը «ադրբեջանական Երևան» միջոցառում անցկացնելու վերաբերյալ հրապարակումներին
Ֆրանսիայի ԱԳ նախարարը կայցելի Հայաստան ու Ադրբեջան
Քաղաքականություն
23.03.2023 | 11:21
Ֆրանսիայի արտաքին գործերի նախարար Կատրին Կոլոննան նախօրեին հայտարարել է, որ ծրագրում է ապրիլի ընթացքում այցելել Ադրբեջանի և Հայաստանի մայրաքաղաքներ, գրում է France 24-ը։
«Ես ծրագրում եմ ապրիլին մեկնել Բաքու և Երևան՝ հիշեցնելու քաղաքական լուծման անհրաժեշտության, հրադադարի անհրաժեշտության մասին, ինչի շուրջ երկու կողմերը պարտավորություն են ստանձնել, և ընդգծելու, որ ուժի կիրառման սպառնալիքներն անընդունելի են»,-ասել է Կոլոննան սենատորներին։
Նախարարի խոսքով՝ Լաչինի միջանցքի փակումը, «սրում է լարվածությունը և մթագնում է միակ հնարավոր քաղաքական կարգավորման, այդ թվում՝ խաղաղության համաձայնագրի հեռանկարները»։
«Այս իրավիճակը չի կարող ավելի երկար տևել, անհրաժեշտ է անհապաղ վերականգնել ազատ տեղաշարժը և ավելի լավ ապահովել Լեռնային Ղարաբաղի բնակչության մատակարարումը»,-ասել է Կոլոննան։ Սա լինելու է Ֆրանսիայի ԱԳ նախարարի առաջին այցը Երևան ու Բաքու։
Էմմա Չոբանյան
