17.12.2025 | 23:55
ՊՍԺ-ն՝ Միջմայրցամաքային գավաթի հաղթող․ ՏԵՍԱՆՅՈՒԹ
Քննարկել են ԱՄՀ-ի հետ ՀՀ-ի պահուստային ծրագրի իրականացման վերանայման ընթացիկ առաքելության ամփոփիչ արդյունքները
Տնտեսություն
21.03.2023 | 20:23
Ֆինանսների նախարարությունում այսօր տեղի է ունեցել աշխատանքային հանդիպում Արժույթի միջազգային հիմնադրամի (ԱՄՀ) հայաստանյան առաքելության ղեկավար Իվա Պետրովայի գլխավորած պատվիրակության հետ:
Ինչպես տեղեկացնում են Ֆինանսների նախարարությունից, հանդիպմանը ներկա են եղել Ֆինանսների նախարար Վահե Հովհաննիսյանը, նախարարի տեղակալներ Ավագ Ավանեսյանը, Էդուարդ Հակոբյանը, նախարարության այլ ներկայացուցիչներ, ինչպես նաև Հայաստանում ԱՄՀ մշտական ներկայացուցիչ Մեհդի Ռաիսին և ԱՄՀ այլ պաշտոնյաներ:
Հանդիպման նպատակն էր քննարկել ԱՄՀ հետ Հայաստանի պահուստային ծրագրի իրականացման վերանայման ընթացիկ առաքելության ամփոփիչ արդյունքները: Անդրադարձ է կատարվել նաև ծրագրով նախատեսված կառուցվածքային հենանիշների կատարման ընթացիկ իրավիճակին և հնարավոր նոր հենանիշների ներառմանը:
Կողմերը կարևորել են ակտիվ փոխգործակցության շարունակականության ապահովումը:
