08.10.2026 | 22:50
Հայաստանի համար էներգետիկ դիվերսիֆիկացիան ռազմավարական առաջնահերթություն է. Սարգիս Խանդանյան
Իրանը հայտարարել է արաբական երկրների հետ հարաբերությունները վերականգնելու պատրաստակամության մասին
Քաղաքականություն
21.03.2023 | 22:21
Իրանը պատրաստ է վերականգնել տնտեսական հարաբերությունները Մերձավոր Արևելքի տարածաշրջանի բոլոր արաբական երկրների հետ՝ Սաուդյան Արաբիայի հետ դիվանագիտական հարաբերությունների վերականգնման մասին համաձայնագրից հետո։ Այս մասին ՌԻԱ Նովոստիին տված հարցազրույցում ասել է Իրանի էկոնոմիկայի և ֆինանսների նախարար Էհսան Խանդուզին։
«Հիմք ընդունելով հարևանության քաղաքականությունը՝ մեր կառավարությունը լիովին պատրաստ է վերականգնել տնտեսական հարաբերությունները տարածաշրջանի (Մերձավոր Արևելք) բոլոր երկրների հետ: Նրանց հետ բարիդրացիական հարաբերությունների ամրապնդումը համարվում է բուն տարածաշրջանի ամրապնդման գործոն։ Սաուդյան Արաբիայի նման երկրներն Իրանի հետ տնտեսական համագործակցության հնարավորություն կունենան»,- ասել է Խանդուզին։
Հիշեցնենք, որ Թեհրանն ու Էր Ռիադը մարտի 10-ին Պեկինի միջնորդությամբ համաձայնագիր են ստորագրել դիվանագիտական հարաբերությունների վերականգնման մասին, և նախատեսում են երկու ամսվա ընթացքում վերաբացել դեսպանատները։
Տաթև Ֆռանգյան
