«Ի՞նչ կարծիքի ես բռնության և խոշտանգումների մասին»․ հանրային կարծիքի ուսումնասիրություն

Մի քանի կազմակերպություններ՝ «Հանրային դատավճիռ»-ը (Մոսկվա), Հելսինկյան քաղաքացիական ասամբլեայի Վանաձորի գրասենյակը և «Հոգեբանների հայկական գիտական միավորում»-ը (Երևան) համատեղ իրականացնում են ուսումնասիրություն՝ «Ի՞նչ կարծիքի ես բռնության և խոշտանգումների մասին» խորագրով։

Միջազգային այս հետազոտությունը գնահատում է, թե ինչպես են մարդիկ վերաբերվում խոշտանգումների ժամանակակից ձևերին: Ուսումնասիրությունը կառուցված է հասարակական կարծիքի հարցման վրա, որը, սակայն, անցկացվում է առցանց, որպեսզի մարդիկ մտածված և ինքնուրույն լրացնեն հարցաշարը: Ուսումնասիրությունն իրականացվում է Ռուսաստանում, Հայաստանում, Մոլդովայում, Ղազախստանում, Ղրղզստանում և Բելառուսում։

Այս ուսումնասիրությունը խոշտանգումների և վատ վերաբերմունքի նկատմամբ հասարակական կարծիքի առաջին և մինչ այժմ միակ պրոֆիլային ուսումնասիրությունն է:

Հարցաթերթիկում խոշտանգումների վերաբերյալ ուղղակի հարցեր չկան։ Այն պարունակում է իրավիճակներ, որոնք վերցված են իրական կյանքից, իրավապահ մարմինների պրակտիկայից, դատական պատիժներից, և մարդկանց առաջարկվում է գնահատել, թե որքանով է ընդունելի կամ անընդունելի պաշտոնյաների այս կամ այն պահվածքը:

Հետազոտությունն ուսումնասիրում է, թե տվյալ հասարակությունն ինչպես է «ներդրվում» խոշտանգումների պրակտիկայի մեջ, ինչպիսի բռնության ձևեր են նրա համար ընդունելի, իսկ ինչպիսիք՝ ոչ։

Հաշվի առնելով, որ ժամանակակից մարդը, ներառյալ մեր համաքաղաքացիները, ժամանակի մինչև 80%-ը անցկացնում են առցանց, հարցումը հիմնված է տվյալների հավաքագրման առցանց մեթոդների վրա:

Հարցման մեթոդաբանությունը մշակվել է «Հանրային դատավճիռ» հիմնադրամի մասնագետների կողմից՝ «Մեթոդական լաբորատորիա»-ի սոցիոլոգների հետ միասին։