05.04.2026 | 17:21
Կալինինգրադում առևտրի կենտրոնում բռնկված հրդեհի տարածքը հասել է 1000 քառակուսի մետրի
ԿԲ նախագահը Silicon Mountains գագաթաժողովում խոսել է ֆինանսական ոլորտում արհեստական բանականության կիրառումից
16.11.2024 | 14:36
Կենտրոնական բանկի նախագահ Մարտին Գալստյանը մասնակցել է Silicon Mountains 2024 տեխնոլոգիական գագաթաժողովի պանելային քննարկմանը՝ անդրադառնալով արհեստական բանականության կիրառմանը ֆինանսական ոլորտում․ տեղեկացնում են ԿԲ-ից։
Նա խոսել է ԱԲ-ի ռիսկերի և հնարավորությունների մասին՝ ընդգծելով կիբերհարձակումների վտանգը, տվյալների որակի խնդիրները, ինչպես նաև փոքր ընկերությունների համար մրցակցային անհավասարության ռիսկերը, որոնք կարող են առաջանալ տեխնոլոգիաների բարդության և ոչ թափանցիկության պատճառով։
Միևնույն ժամանակ, Մարտին Գալստյանը կարևորել է ԱԲ-ի ընձեռած հնարավորությունները, ինչպիսիք են ծախսերի նվազեցումը, արդյունավետության և արտադրողականության բարձրացումը, անհատականացված ծառայությունների զարգացումը և նոր բիզնես մոդելների ստեղծումը։
Նա նշել է, որ այս բոլոր բարելավումներին զուգահեռ, ֆինանսական ոլորտում անհրաժեշտ է խիստ վերահսկել ռիսկերը և ապահովել հավասար պայմաններ բոլորի համար։
