29.11.2024 | 16:34
Արցախցիների առջև ուլտիմատում են դրել՝ ազատվել աշխատանքից կամ ընդունել ՀՀ քաղաքացիություն. ՏԵՍԱՆՅՈՒԹ
Նախիջևանում կարող է վառելիքի պակաս առաջանալ․ բեռնատարների վարորդները, ի նշան բողոքի, հրաժարվում են Իրան մեկնել
Քաղաքականություն
20.03.2023 | 22:08
Նախիջևանում կարող է վառելիքի պակասի խնդիր առաջանալ։ Ադրբեջանական լրատվամիջոցները հայտնում են, որ մի քանի օր է՝ բեռնատարների վարորդները հրաժարվում են ճանապարհ դուրս գալ։
Նախօրեին բեռնատարների վարորդները հերթական անգամ բողոքի ակցիա են անցկացրել Նախիջևանի քաղաքային ավտոպարկում։ Նրանք հայտարարել են, որ հրաժարվում են ճանապարհ դուրս գալ՝ բողոքելով, որ վերջին երկու ամիսների ընթացքում իրանական մաքսատան աշխատակիցներն իրենցից «կաշառք են պահանջում, երբ հատում են սահմանը»։
Վարորդները նշել են, որ մարտի 8-ից հետո ոչ մի բեռնատար չի մեկնել Բաքու և ոչ մի բեռնատար չի ժամանել այնտեղից։ Վարորդներն ասել են, որ ճանապարհ դուրս չեն գա, քանի դեռ խնդիրը չի լուծվել։
Հավելենք, որ Ադրբեջանի և Իրանի իշխանություններն այս մասին դեռևս որևէ հայատարարություն չեն արել։
Էմմա Չոբանյան
