20.03.2026 | 13:25
Քննչական կոմիտեից 590 հազ․ դոլար հափշտակելու գործով Գոռ Թադևոսյանն ու Էդգար Գրիգորյանը դատապարտվել են 4 տարի ազատազրկման
Հրշեջները մարել են Երևանի Շիրակի փողոցում բռնկված «1 ԲԻՍ» աստիճանի բարդության հրդեհը
12.03.2023 | 10:01
Մարտի 11-ին, ժամը 17:17-ին Ճգնաժամային կառավարման ազգային կենտրոն ահազանգ է ստացվել, որ Երևանի Շիրակի փողոցում՝ «Մուշ» գործարանի մոտակայքում, այրվում է եղեգնուտ։
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ անասնագոմերի տանիքներում այրվում է կուտակած անասնակեր։
Հայտարարվել է հրդեհի բարդության «1 ԲԻՍ» աստիճան․ դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից ևս չորս մարտական հաշվարկ և Հրդեհաշիջման և փրկարարական աշխատանքների կազմակերպման բաժնի օպերատիվ խումբը։
Հրդեհը մեկուսացվել է ժամը 20։51-ին, մարվել՝ 21։27-ին։ Այրվել են երեք անասնագոմերի տանիքների փայտե կառուցատարրերը (20 քմ, 50 քմ և 100 քմ), տանիքներում կուտակած 3000 հակ և 4 խմ անասնակեր։
