05.11.2024 | 15:35
Թրամփ vs Հարիս․ թեժ պայքար և անկանխատեսելի արդյունք․ ո՞վ կդառնա ԱՄՆ 47-րդ նախագահը. ՏԵՍԱՆՅՈՒԹ
Պեսկովը խոսել է հացահատիկային գործարքի շուրջ ստեղծված իրավիճակի մասին
Քաղաքականություն
09.03.2023 | 23:05
Հացահատիկային գործարքի իրականացման հարցում որոշակի առաջընթաց կա, բայց դեռ շատ հարցեր կան, հատկապես՝ դրա երկրորդ մասի վերաբերյալ, Ռուսաստանը մտադիր է դրանք բարձրացնել։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, գրում է ՌԻԱ Նովոստին։
Նախօրեին ՄԱԿ-ի գլխավոր քարտուղար Անտոնիո Գուտերեշը Կիևում հանդիպել էր Ուկրաինայի նախագահ Վլադիմիր Զելենսկիին և, այլ հարցերից զատ, քննարկել նաև հացահատիկային գործարքը։
«Դեռ շատ հարցեր կան վերջնական ստացողների հետ կապված, հարցեր այն մասին, թե ուր է գնում հացահատիկի մեծ մասը և, իհարկե, համաձայնության երկրորդ մասի հարցերը մեզ լավ հայտնի են։ Որոշակի տեղաշարժ կա, բայց Ռուսաստանը դեռ մտադիր է բարձրացնել այդ հարցը»,- լրագրողներին ասել է Պեսկովը՝ ի պատասխան հացահատիկի գործարքի ներկայիս իրավիճակի և դրա հեռանկարների գնահատման մասին հարցին։
Հացահատիկային գործարքի ժամկետը լրանում է մարտի 18-ին։ Այն կնքվել էր 2022 թվականի հուլիսի 22-ին Ստամբուլում ՌԴ-ի, ՄԱԿ-ի, Թուրքիայի և Ուկրաինայի միջև։ Ավելի վաղ ռուսական լրատվամիջոցները հայտնել էին գործարքի շուրջ բանակցությունների փակուղային իրավիճակի մասին։
Էմմա Չոբանյան
