20.04.2026 | 17:18
Հայտնաբերվել է 393 ոչ սթափ վարորդ․ պարեկների անցած շաբաթվա ծառայության արդյունքները
Բացառիկ գերակա շահի անվան տակ ունեզրկում են քաղաքացիներին․ ՏԵՍԱՆՅՈՒԹ
Հասարակություն
20.06.2018 | 15:23
««Պետական կարիքների հաստատման զոհեր» հասարակական կազմակերպությունը 12 տարի է՝ ուսումնասիրում է բացառիկ գերակա հանրային շահերին վերաբերող խնդիրները։ 2018 թվականի մարտի 22-ին Կառավարությունն ընդունել է որոշում, որով ճանաչում է Ֆիրդուսի տարածքը որպես բացառիկ գերակա շահ։ Դա օրենքի խախտում է, քանի որ օրենքը թույլ է տալիս բացառիկ գերակա շահ ճանաչել տարածքը միայն 7 տարի անց»,- այսօր հրավիրված մամուլի ասուլիսի ժամանակ ասաց «Պետական կարիքների հաստատման զոհեր» ՀԿ-ի նախագահ Սեդրակ Բաղդասարյանը՝ նշելով, որ խնդրի վերաբերյալ նամակներ են ուղարկել Նիկոլ Փաշինյանի գլխավորած կառավարությանը։
Ասուլիսին մասնակից գեղանկարիչ Հաղթանակ Շահումյանն էլ, անդրադառնալով Ֆիրդուսի տարածքը հանրային գերակա շահ ճանաչելու Կառավարության որոշմանը, նշեց, որ այստեղ մենք գործ ունենք ոչ միայն օրենքի խախտման, այլ հարցի բարոյական կողմի հետ:
«Ի՞նչ է նշանակում գերակա շահ, բոլորիս է հայտնի՝ հիմնականում կենտրոնը ամենագայթակղիչ տեղն էր փող աշխատելու համար, և բոլորս գիտենք՝ ինչ է կատարվում, դրա օրինակները կան քաղաքի այլ մասերում, նույն վտանգը սպառնում է բոլորին։ Շատերը, եթե էդպիսի վիճակ լինի, պետք է թողնեն երկրից հեռանան»,- ասաց գեղանկարիչը։
Ֆիրդուս թաղամասի բնակիչ Ռուբեն Աթոյանն էլ հավելեց, որ սա ունեզրկման կազմակերպված գործընթաց է, որը ապահովում են կառավարությունն ու դատարանները։
Մանրամասները՝ տեսանյութում։
