09.10.2026 | 23:15
ԿԸՀ-ն արձագանքել է Հրազդանի ընտրատարածքում դիտորդի մասնակցությամբ միջադեպին
ԱՀԿ-ում կոչ են արել պատրաստվել հնարավոր նոր համավարակին
Քաղաքականություն
01.03.2023 | 22:31
Համաշխարհային հանրությունը պետք է նախապատրաստվի այն բանին, որ մարդուց մարդուն փոխանցվող թռչնագրիպի պատճառով կարող է նոր համավարակ առաջանալ։ Ինչպես տեղեկացնում է «Արմենպրես»-ը, այս մասին հայտարարել է Առողջապահության համաշխարհային կազմակերպության (ԱՀԿ) համաճարակաբան Ռիչարդ Փիբոդին El Pais թերթին տված հարցազրույցում:
«Մտավախություն կա, որ թռչնագրիպը ձեռք կբերի մարդուց մարդ տարածվելու ունակություն, ընդ որում՝ կայուն կերպով, և կարող է նոր համավարակ առաջացնել: Մենք պետք է պատրաստ լինենք դրան։ Գիտական հանրությունն ուսումնասիրում է այդ վիրուսների գենետիկ հաջորդականությունը՝ դրանց հետևելու, ինչպես նաև պատվաստանյութեր մշակելու համար, որոնք հասանելի կլինեն անհրաժեշտության դեպքում»,-ասել է նա։
Համաճարակաբանի խոսքով՝թռչնագրիպի նոր բռնկումը, որը ոչնչացրել է միլիոնավոր՝ վայրի և տնային թռչուններ ամբողջ աշխարհում, սկսվել է երկու-երեք տարի առաջ՝ A(H5N1) վիրուսի հատուկ տեսակի պատճառով:
«Մենք ուզում ենք ասել, որ պետք է զգոն լինել։ Կարևոր է, որ մարդիկ չվերցնեն սատկած կամ մահացող թռչուններ կամ այլ կենդանիներ: Եվ որպեսզի թռչնաֆաբրիկաների աշխատողները լավ պաշտպանված լինեն»,- նշել է Փիբոդին։
ԱՀԿ-ի տվյալներով ՝ 2003-2023 թվականներին աշխարհում գրանցվել է թռչնագրիպով մարդկանց վարակման 873 դեպք, ինչը հանգեցրել է 458 մահվան։
