27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Ալիևն ընդունել է Լավրովին. Իրանի ընկերությունները կարող են մասնակցել Հայաստանում շինարարությանը. Լուրեր
Քաղաքականություն
28.02.2023 | 13:21
- Ադրբեջանի ղեկավար Իլհամ Ալիևը Բաքվում ընդունել է ՌԴ ԱԳ նախարար Սերգեյ Լավրովին և հույս է հայտնել, թե 2023 թվականը բեկումնային տարի կլինի Ադրբեջանի և Հայաստանի միջև հարաբերությունների կարգավորման գործում։ նա նաև նշել է, թե Ռուսաստանը, որպես իրենց ընկեր, դաշնակից և հարևան, առանձնահատուկ դեր ունի Ադրբեջանի և Հայաստանի միջև միջպետական հարաբերությունների կարգավորմանն աջակցելու գործում
- ՀՀ ԱԳ նախարար Արարատ Միրզոյանը հանդիպում է ունեցել փախստականների հարցերով ՄԱԿ գերագույն հանձնակատար Ֆիլիպո Գրանդիի հետ։ Հանդիպման ընթացքում շեշտվել է նաև Լաչինի միջանցքի արգելափակման հետևանքով Լեռնային Ղարաբաղում ստեղծված հումանիտար բարդ իրավիճակը հանգուցալուծելու անհրաժեշտությունը: Միրզոյանը կարևորել է միջազգային փաստահավաք առաքելության գործուղումը Լաչինի միջանցք և Լեռնային Ղարաբաղ
- Իրանի մասնավոր ընկերությունները հնարավոր է՝ մասնակցեն Հայաստանում ճանապարհների, երկաթգծերի, թունելների կառուցմանը։ Հայաստանի ՏԿԵ նախարար Գնել Սանոսյանի և կոոպերացիայի, աշխատանքի և սոցիալական բարեկեցության նախարար Սեյեդ Սոուլաթ Մորթազավիի հանդիպմանը որոշվել է առաջիկայում գույքագրել Հայաստանի կարիքները և դրանք դեսպանատան միջոցով փոխանցել իրանական կողմին։
Այս ժամի լուրերը՝ տեսանյութում։
