27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Ինչ է անում ԱԱԾ գերիների և անհետ կորածների հանձնաժողովը․ Թագուհի Թովմասյան․ ՏԵՍԱՆՅՈՒԹ
Քաղաքականություն
28.02.2023 | 12:02
«Ի՞նչ է անում ԱԱԾ-ն ու ի՞նչ արդյունքներ ունենք գերիների վերադարձի հետ կապված: Նախորդ տարվա հունվարից դադարեցված է Ադրբեջանի կողմից միակողմանիորեն անհետ կորածների աճյունների որոնման աշխատանքները և ստացվում է՝ այս պահին մենք որևէ գործողություն չենք անում»,- ԱԺ իր ելույթում, շեղվելով հիմնական թեմայից, ԱԱԾ փոխտնօրեն Անդրանիկ Սիմոնյանին այս հարցն ուղղեց ընդդիմադիր պատգամավոր Թագուհի Թովմասյանը:
«Ձեր ելույթը բացասական ենթատեքստ ուներ. երբ կգա գերիների, անհետ կորածների հանձնաժողովը և հրապարակային զեկույց կունենա, այդ հարցը կբարձրացնեք:
Եթե դուք սպասում եք, որ ես պետք է հաշվետվություն ներկայացնեմ հանձնաժողովի գործունեության վերաբերյալ՝ չեմ կարող, որովհետև այդ թեմայով չեմ պատրաստվել»:
Սիմոնյանը խորհուրդ տվեց դիմել ԱԱԾ և հետաքրքրող հարցերի վերաբերյալ տեղեկատվություն ստանալ։
Պատգամավորն արձագանքեց՝ ասելով, որ դիմել է․ «Սակայն ԱԱԾ-ն չի տրամադրում տեղեկատվություն՝ թաքնվելով գաղտնիության քողի տակ»։
Մանրամասները՝ տեսանյութում։
