13.09.2026 | 18:54
Շոտլանդիան, Ուելսը և Հյուսիսային Իռլանդիան Մեծ Բրիտանիայի կազմից դուրս գալու հանրաքվե կպահանջեն․ The Telegraph
Թուրքիայի Մալաթիա նահանգում 5,6 մագնիտուդով երկրաշարժ է գրանցվել
Քաղաքականություն
27.02.2023 | 14:03
Թուրքիայի արևելյան Մալաթիա նահանգում նոր ուժգին երկրաշարժ է գրանցվել։ Աղետների և արտակարգ իրավիճակների վարչությունից (AFAD) հայտնել են, որ երկրաշարժի ուժգնությունը կազմել է 5,6 բալ, փոխանցում է ՏԱՍՍ-ը։
Երկրաշարժի էպիկենտրոնը գտնվել է Մալաթիա նահանգի Եսիլյուրտ շրջանում՝ 6,9 կմ խորության վրա։ Զոհերի, վիրավորների կամ նոր ավերածությունների մասին տեղեկություններ դեռևս չեն ստացվել։
TRT-ի փոխանցմամբ՝ փլուզվել է կրիտիկական վնասված շենքերից մեկը։ Կարող են նոր փլուզումներ գրանցվել: Վնասված տներում մարդ չկա, քանի որ բոլոր վթարային շենքերը շրջափակված են, մուտքն արգելված է։ Իշխանությունները զգուշացնում են հանրությանը, որ ոչ մի դեպքում չփորձեն մուտք գործել վնասված շենքեր: Աղետի գոտիում նման շենքերի քանդման աշխատանքներ են ընթանում։
Տաթև Ֆռանգյան
