18.12.2025 | 16:16
Նախարարի հրամանով ԶՈՒ ողջ անձնակազմը պարգևավճար կստանա. ՊՆ
Քննարկվել են Հայաստան-Ֆրեզնո համագործակցության և համատեղ նոր ծրագրեր իրականացնելու վերաբերյալ հարցեր
Քաղաքականություն
25.02.2023 | 10:14
Ս․թ․ փետրվարի 23-ին տեղի է ունեցել ԱՄՆ-ում ՀՀ դեսպան Լիլիթ Մակունցի աշխատանքային այցը Կալիֆորնիա նահանգի Ֆրեզնո քաղաք. տեղեկացնում են ԱՄՆ-ում ՀՀ դեսպանությունից։
Այցի ընթացքում դեսպան Մակունցը հանդիպումներ է ունեցել Ֆրեզնոյի քաղաքապետ Ջերի Դայերի, Ֆրեզնոյի համալսարանի ռեկտոր Սաուլ Խիմենես-Սանդովալի և Ֆրեզնոյի համայնքային առողջապահական համակարգի նախագահ և գործադիր տնօրեն Քրեյգ Կաստրոյի հետ:
Հանդիպումների ընթացքում քննարկվել են Հայաստան-Ֆրեզնո առկա ոլորտային համագործակցության և համատեղ նոր ծրագրեր իրականացնելու վերաբերյալ հարցեր։
Դեսպան Մակունցը նաև հարցազրույց է տվել Ֆրեզնոյի KSEE24 News-ի լրագրող Սթեֆանի Բուրուջյանին։
Երեկոյան հայ համայնքի մասնակցությամբ տեղի է ունեցել ընդունելություն՝ ի պատիվ դեսպան Մակունցի։
