24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Շվեյցարիայի ԱԳ նախարարը խոսել է երկրում Ուկրաինայի հարցով ընթացող բանակցությունների մասին
Քաղաքականություն
23.02.2023 | 19:20
Ժնևում ընթանում են Ուկրաինայում տիրող իրավիճակի շուրջ բանակցություններ՝ «առավելագույն խոհեմությամբ», դրանք ընթանում են «ոչ ամենաբարձր մակարդակով»։ Le Temps-ին տված հարցազրույցում այս մասին ասել է Շվեյցարիայի արտգործնախարար Իգնացիո Կասիսը, գրում է ՌԲԿ-ն։
Կասիսի խոսքով՝ չնայած Ռուսաստանի մերժմանը՝ Շվեյցարիան «շարունակում է առաջարկել իր բարի ծառայությունները» Մոսկվայի և Կիևի միջև զինված հակամարտության լուծումը գտնելու համար։
«Մի օր այն կավարտվի բանակցություններով։ Խաղաղության կառուցումը բարդ նախաձեռնություն է, որը կպահանջի դիվանագիտական ջանքեր»,- ասել է արտգործնախարարը։
Կասիսը նշել է, որ Շվեյցարիան, որպես ՄԱԿ-ի Անվտանգության խորհրդի անդամ, անում է «ամեն ինչ»՝ նպաստելու ռազմական գործողությունների դադարեցմանը, սակայն կասկածում է, որ հակամարտությունը շուտով կավարտվի, «եթե հրաշք տեղի չունենա»։
Տաթև Ֆռանգյան
