20.04.2026 | 11:48
«Ուրարտուն» չի ընդունել «Ալաշկերտի» դեմ հանդիպման արդյունքը․ ՀՖՖ-ից արձագանքել են. ՏԵՍԱՆՅՈՒԹ
Լավրովը փետրվարի 27-28-ը կայցելի Ադրբեջան
Քաղաքականություն
22.02.2023 | 18:24
ՌԴ ԱԳ նախարար Սերգեյ Լավրովն աշխատանքային այցով կայցելի Բաքու, սպասվում է նրա հանդիպումը Ադրբեջանի նախագահ Իլհամ Ալիևի հետ։ Այս մասին ամենշաբաթյա ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Փետրվարի 27-28-ը ՌԴ ԱԳ նախարար Սերգեյ Լավրովը պաշտոնական այցով կմեկնի Ադրբեջանի Հանրապետություն: Ուղևորությունը համընկնում է 2020 թվականի փետրվարի 22-ին Ռուսաստանի Դաշնության և Ադրբեջանի Հանրապետության միջև դաշնակցային համագործակցության մասին հռչակագրի ստորագրման առաջին տարեդարձի հետ։ Սպասվում է հանդիպում նախագահ Իլհամ Ալիևի հետ։ Կլինեն բանակցություններ արտգործնախարար Ջեյհուն Բայրամովի հետ»,- ասել է Զախարովան։
Նա նշել է, որ նախատեսվում է քննարկել երկկողմ հարաբերությունների հարցերի ամբողջ համալիրը, նաև տարածաշրջանային և միջազգային հարցեր։
«Հատուկ ուշադրություն է դարձվելու Ռուսաստանի, Ադրբեջանի և Հայաստանի ղեկավարների միջև եռակողմ պայմանավորվածությունների իրականացմանը»,- ասել է Զախարովան։
Այցի երկրորդ օրը ՌԴ արտգործնախարարը Բաքվում ելույթ կունենա ռուս-ադրբեջանական փորձագիտական խորհրդի լիագումար նիստում։
Էմմա Չոբանյան
