01.11.2024 | 23:19
Հրդեհ Գյումրու տներից մեկում
Ֆինանսների նախարար Վահե Հովհաննիսյանը մասնակցել է Նորբերթ Ֆունկեի հետ աշխատանքային քննարկմանը
Տնտեսություն
20.02.2023 | 17:31
Այսօր՝ փետրվարի 20-ին ֆինանսների նախարար Վահե Հովհաննիսյանը մասնակցել է ԱՄՀ Կովկասի, Կենտրոնական Ասիայի և Մոնղոլիայի կարողությունների զարգացման տարածաշրջանային կենտրոնի (CCAMTAC/ՍԻԿԱՄՏԱԿ) տնօրեն Նորբերթ Ֆունկեի հետ տեղի ունեցած աշխատանքային քննարկմանը․ տեղեկացնում են
ՀՀ ֆինանսների նախարարությունից։
Քննարկմանը ներկա են եղել Հայաստանում Արժույթի միջազգային հիմնադրամի մշտական ներկայացուցիչ Մեհդի Ռաիսին, ՀՀ ֆինանանսների նախարարի տեղակալ Էդուարդ Հակոբյանը և նախարարության այլ ներկայացուցիչներ:
Հանդիպման ընթացքում կողմերը խոսել են փոխադարձ հետաքրքրություն ներկայացնող հարցերից: Մասնավորապես անդրադարձ է կատարվել ՍԻԿԱՄՏԱԿ-ի հետ համագործակցությանը, որն ընդգրկում է շահառու երկրներին տեխնիկական աջակցությունների տրամադրում, ինչպես նաև փորձի փոխանակմանն ուղղված տարբեր միջոցառումներ:
Նախարար Հովհաննիսյանը կարևորել է ԱՄՀ կողմից Հայաստանին տրամադրվող տեխնիկական աջակցության դերը և ընդգծել, որ այն մեծ նշանակություն ունի Հայաստանում ընթացող բարեփոխումների իրականացման գործընթացում:
Կողմերի միջև պայմանավորվածություն է ձեռք բերվել ապահովել փոխգործակցության ընդլայնումն ու շարունակականությունը:
