26.07.2026 | 16:49
Հայկ Մարտիրոսյանը և Ռոբերտ Հովհաննիսյանը կիսել են 1-2-րդ հորիզոնականները Dole Open 2026 շախմատի մրցաշարում
Բելգրադում ռուսամետ ուլտրաազգայնականները փորձել են գրավել պետության ղեկավարի նստավայրը
Քաղաքականություն
16.02.2023 | 13:39
Մի քանի օր անց, երբ Սերբիայի նախագահ Ալեքսանդր Վուչիչն ակնարկեց, որ դեմ Ռուսաստանի դեմ պատժամիջոցները կարող են անխուսափելի լինել, Բելգրադում փողոց են դուրս եկել ուլտրաազգայնական խմբերը։ Նրանք պահանջել են Վուչիչի և «նրա դավաճան իշխանությունների» հրաժարականը՝ իշխանություններին մեղադրելով Կոսովոյին դավաճանելու համար։ Նաև նախագահի կյանքին սպառնալիքներ են հնչել, փոխանցում է Euronews-ը։
Ռուսաստանի և Սերբիայի դրոշների ներքո ցուցարարները փորձել են գրոհով վերցնել պետության ղեկավարի նստավայրը, սակայն կանգնեցվել են ոստիկանության կողմից։
Ակցիայի կազմակերպիչների թվում է ծայրահեղ ազգայնական Դամնյան Կնեզևիչը, ում «Ժողովրդական պարեկություն» կուսակցությունը մերժում է Կոսովոյի անկախությունը, աջակցում է Ռուսաստանի ներխուժումն Ուկրաինա և կապեր ունի ռուսական «Վագներ» ռազմական խմբավորման հետ։ Կնեժևիչը հրապարակավ օգնություն է խնդրել Ռուսաստանից։
«Պե՞տք է թույլ տանք, որ Կոսովոն մտնի ՄԱԿ: Ուրեմն մենք ինչպիսի՞ սերունդ ենք, որ տառապենք և անցնենք դրա միջով, իսկ նրանք վախենում են անկարգություններից: Այսպես՝ երդվում եմ ձեզ, մենք պատրաստ ենք շատ ավելին, քան անկարգությունները»,- հայտարարել է նա:
Ըստ հավաքվածների՝ Կոսովոյի համար միակ տարբերակը սերբական համակարգին վերաինտեգրումն է:
Տաթև Ֆռանգյան
