06.10.2026 | 21:30
Գերմանիայի ԱԳ նախարարը զգուշացրել է Վրաստանի, Մոլդովայի և Բալթյան երկրների համար Ռուսաստանի սպառնալիքի մասին
Վոլոդինը սպառնաց ՀՀ-ին՝ երկիր կկորցնեք․ ՌԴ-ն ռազմական հարձակում չի կարող, Ադրբեջանի ձեռքով է ճնշում․ Հովսեփ Խուրշուդյան․ ՏԵՍԱՆՅՈՒԹ
Քաղաքականություն
14.02.2023 | 20:32
Ադրբեջանում էին ՌԴ Պետդումայի ղեկավարները՝ Վլաչեսլավ Վոլոդինը և Վալենտինա Մատվիենկոն։ Վոլոդինը խոսել է ՀՀ-Ադրբեջան կարգավորման պրոցեսից, ու թեև ՀՀ-ի անունը չի տվել, ակնհայտ է դառնում, որ հաջորդիվ արված հայտարարությունները ՀՀ-ին են վերաբերվում․ «Նրանք, ովքեր եվրոպական կառույցների ուղղությամբ են հայտարարություններ անում, կարող են երկիր կորցնել։ Նա, ով ցանկանում է խաղաղություն, ով ցանկանում է իրավիճակի կարգավորում, պետք է ոչ միայն հեռու մնա այդ քվազի-խորհրդարաններից՝ և՛ ԵԽԽՎ-ից, և՛ Եվրախորհրդարանից, այլև հստակ գիտակցի, որ դրանց ներգրավումը կսրի իրավիճակը, կստեղծի նորանոր խնդիրներ։ Եվ եթե դա անում են, ապա պետք է պատասխանատվություն կրեն հետևանքների համար»։
Factor TV-ին տված հարցազրույցում «Ազատ քաղաքացի» ՀԿ ղեկավար Հովսեփ Խուրշուդյանն ուշադրություն է հրավիրում այն փաստի վրա, որ Բաքվից են ՀՀ-ի դեմ այս հայտարարություններն արվում:
«Դա ցույց է տալիս, որ Ադրբեջանը իրենց վերջին, հիմնական, գուցե նաև՝ միակ գործիքն է մնացել։ Երբ իրենք ԵՄ-ի դիտորդների գալը ՀՀ-ում պայմանավորում են Ադրբեջանի համաձայնությամբ, նշանակում է, որ սկսել են բաց խաղալ ՀՀ-ի դեմ։ 2021-ի մայիսից ենք դեռ ասում, որ սա ռուս-ադրբեջանական ալյանս է ՀՀ-ին ճնշելու, Ադրբեջանին ՌԴ-ն օգտագործում է ՀՀ-ի դեմ, ինչը տեսանելի է դառնում»,- ասաց նա։
Հարցազրույցն ամբողջությամբ՝ տեսանյութում։
Ռոբերտ Անանյան
