07.06.2026 | 11:57
Այս ընտրությունները պատմական նշանակություն ունեն. որոշում ենք այսօր մեր ապագան. Թաթոյանը քվեարկեց․ ՏԵՍԱՆՅՈՒԹ
«Մեր երկրների համագործակցությունը հասել է ռազմավարական գործընկերության աննախադեպ բարձր մակարդակի»․ Մատվիենկոն՝ Ադրբեջանի Մեջլիսի նախագահին
Քաղաքականություն
14.02.2023 | 11:51
Պաշտոնական այցով Մոսկվայում գտնվող Ադրբեջանի Միլլի Մեջլիսի խոսնակ Սահիբա Գաֆարովան նախօրեին հանդիպել է նաև ՌԴ Դաշնային խորհրդի նախագահ Վալենտինա Մատվիենկոյի հետ։ Նա, մասնավորապես, նշել է, որ ռուս-ադրբեջանական հարաբերությունները վերելք են ապրում։
«Երկրների համագործակցությունը հասել է ռազմավարական գործընկերության և դաշնակցության աննախադեպ բարձր մակարդակի»,-ասել է Մատվիենկոն՝ նշելով, որ «երկու երկրների կապերի զարգացման դինամիկան տալիս են նախագահները, որոնց շփումներն առանձնանում է վստահության և փոխըմբռնման բարձր աստիճանով»։
Ադրբեջանի Մեջլիսի նախագահն էլ ընդգծել է, որ երկու երկրների հարաբերությունները բնութագրվում են կայունությամբ և դինամիկությամբ։ Վալենտինա Մատվիենկոն և Սահիբա Գաֆարովան արդյունավետ են համարել Ռուսաստանի Դաշնային ժողովի և Միլլի Մեջլիսի համագործակցության միջխորհրդարանական հանձնաժողովի աշխատանքը։ Հանդիպման մասնակիցները ուշադրություն են հրավիրել նաև ռուս-ադրբեջանական իրավապայմանագրային բազային։ Մատվիենկոն նշել է, որ անցած տարին արդյունավետ էր՝ ստորագրվել են 10 միջկառավարական և միջգերատեսչական համաձայնագրեր, այդ թվում՝ Դաշնակցային համագործակցության մասին հռչակագիրը։ «Դաշնակցային հարաբերությունների վառ օրինակ է Ադրբեջանում ՌԴ գլխավոր հյուպատոսության բացումը»,-հավելել է ՌԴ Դաշնային խորհրդի նախագահը։
Հավելենք, որ Գաֆարովան հանդիպել էր նաև ՌԴ Պետդումայի նախագահ Վյաչեսլավ Վոլոդինին։
Էմմա Չոբանյան
