26.11.2024 | 14:27
Վրաստանի խորհրդարանը հաստատել է նախագահական ընտրությունների օրը
Ավելի քան 600 քաղաքացի է զրկվել է վիրահատվելու միջոցով առողջական խնդիրների լուծման հնարավորությունից
09.02.2023 | 16:25
Արցախի Հանրապետության բոլոր բուժհաստատություններում պլանային վիրահատությունների դադարեցման պատճառով մոտ 610 քաղաքացի զրկվել է վիրահատվելու միջոցով առողջական խնդիրների լուծման հնարավորությունից։
Այս մասին նշված է ԱՀ կառավարության հրապարակած տեղեկագրում՝ շրջափակման 60-րդ օրվա վիճակագրական տվյալների վերաբերյալ:
Տեղեկատվության համաձայն՝ 9 երեխա գտնվում է մանկական հիվանդանոցի նորածնային և վերակենդանացման բաժանմունքներում, իսկ 7 չափահաս բուժառու գտնվում է վերակենդանացման բաժանմունքում, որոնցից 3-ը ծայրահեղ ծանր վիճակում է։
Շրջափակման ընթացքում արդեն 220 երեխա է ծնվել Արցախում:
Մինչ այսօր Կարմիր Խաչի միջազգային կոմիտեի միջնորդությամբ և ուղեկցությամբ Արցախից Հայաստան է տեղափոխվել 76 հիվանդ՝ համապատասխան բուժում ստանալու համար։
Ստեղծված տնտեսական բարդ իրավիճակի պատճառով նախնականորեն առնվազն 5 հազար100 մարդ կորցրել է աշխատանքը և եկամտի աղբյուրը։
Ավելի քան 23,600 տոննա կենսական նշանակության ապրանքներ կմակատարարվեին Արցախ, եթե չլիներ շրջափակումը, որի ընթացքում Կարմիր խաչի միջազգային կոմիտեի և ՌԴ խաղաղապահ զորակազմի կողմից մատակարարվել է դրա միայն չնչին մասը:
