16.01.2026 | 11:40
Սպիտակ տունը հայտարարել է, որ Իրանը կասեցրել է 800 մահապատիժ, նաև զգուշացրել՝ բոլոր տարբերակները բաց են մնում
Չկա առաջընթաց. Փաշինյանը` կոռուպցիայի դեմ պայքարի ԹԻՀԿ֊ի զեկույցի մասին
Հասարակություն
09.02.2023 | 11:41
Նիկոլ Փաշինյանն այսօր կառավարության նիստում խոսեց կոռուպցիայի մասին` հիշեցնելով, որ օրեր առաջ հրապարակվել է «Թրանսփարենսի ինթերնեյշնլ» կազմակերպության զեկույցը, համաձայն որի` Հայաստանի Հանրապետությունը կոռուպցիայի ընկալման ցուցիչով որոշակի նահանջ է գրանցել:
Կառավարության նիստին հրավիրվել էին «Թրանսփարենսի ինթերնեյշընըլ» հակակոռուպցիոն կենտրոնի ծրագրերի համակարգող Վարուժան Հոկտանյանը, Կոռուպցիայի կանխարգելման հանձնաժողովի նախագահ Հայկուհի Հարությունյանը և ԲԴԽ նախագահ Կարեն Անդրեասյանը, քննարկելու, թե որն է այս հետընթացի պատճառը:
«Սա շատ կարևոր ցուցիչ է մեզ համար, որովհետև հակակոռուպցիոն քաղաքականության մեր ռազմավարության մեջ մենք այս ցուցիչում առաջընթաց գրանցելու հստակ նպատակադրում ունենք և մինչև 2026 թվականը որոշակի ծրագրերի, գործողությունների պլան ունենք։ Այս ցուցիչի թեկուզ ոչ շատ մեծ, թեկուզ ոչ շատ նշանակալի նահանջը մեզ համար անհանգստացնող ահազանգ է»,-ասաց Նիկոլ Փաշինյանը:
Վարչապետի խոսքով՝ բացարձակապես անընդունելի է նման հետընթացը և առաջընթացի բացակայությունը․ «Այս կոնկրետ իրավիճակը շատ խոր պետք է ուսումնասիրվի հակակոռուպցիոն մեր քաղաքականության ռազմավարության տեսակետից, և պետք է հասկանանք, թե ինչ լրացուցիչ քայլեր պետք է ձեռնարկենք, որպեսզի Հայաստանը շարունակի տպավորիչ առաջընթացի տիրույթում հայտնվել:
Մենք պետք է արձանագրենք մեր քաղաքական կամքը, բայց նաև պիտի ցավով ասեմ, որ քաղաքական կամքը միշտ չէ, որ բերում է կոնկրետ արդյունքների»:
Մանրամասները՝ տեսանյութում։
