20.02.2026 | 23:28
ԱՄՆ-ն էլ է պահանջում, որ Ուկրաինան հանձնի ամբողջ Դոնբասը․ Զելենսկի
Ծնողները համոզված են, որ հրդեհից առաջ զինվորները կա´մ անգիտակից են եղել, կա´մ արդեն մահացած. Նորիկյան․ ՏԵՍԱՆՅՈՒԹ
Հասարակություն
08.02.2023 | 13:07
Զոհված զինծառայողների ծնողները չեն հավատում պաշտոնական վարկածին, չեն վստահում պետական իրավասու մարմինների կողմից արտահայտված որոշակի դիրքորոշումներին, ունեն մտահոգություն, որ փորձ է արվելու ծածկադմփոց անել այս գործը: Այս մասին այսօր հրավիրված ասուլիսում նշեց Ազատ գյուղում զորամասի կացարանի հրդեհի հետևանքով զոհված 15 զինծառայողներից 13-ի ծնողների լիազոր ներկայացուցիչ, փաստաբան Նորայր Նորիկյանը:
«Ծնողները համոզված են, որ իրենց երեխաները հրդեհից առաջ կա՛մ արդեն կենդանի չեն եղել, կա՛մ առնվազն անգիտակից են եղել: Իսկ հրդեհը ինչ-որ հետքեր թաքցնելու կամ հասարակության ուշդրությունը հրդեհի միջոցով շեղելու նպատակ է հետապնդում:
Ծնողները ճիշտ էլ անում են, որ չեն վստահում պաշտոնական վարկածին, քանի որ դեպքից հետո որոշ շրջանակների դրսևորած հրապարակային հակասական, ոչ պրոֆեսիոնալ ու հակաօրինական վարքագիծը, դվել են այդ հիմքերը»,- նշեց փաստաբանը:
Նա հավելեց, որ դեպքից հետո կառավարության նիստից տպավորություն է ստացել, որ ի դեմս ՀՀ կառավարության գործ ունենք արտակարգ դատարանի հետ, որտեղ տեղի է ունենում դատավարություն, որի ընթացքում վարչապետ Նիկոլ Փաշինյանը հանդես էր գալիս միաժամանակ և՛ մեղադրողի, և՛ դատավորի դիրքերից, ներկայացնում՝ ովքեր են մեղավոր, ովքեր պետք է պատասխան տան՝ հանրությանը ներկայացնելով ողբերգական ինչ-որ վարկած:
«ՀՀ վարչապետը, անկախ անձից, որևէ իրավասություն չունի որևէ քրեական վարույթի վերաբերյալ որևէ կարծիք հայտնելու, որևէ տեղեկություն կամ վարկած շրջանառության մեջ դնելու, բացատրություններ ներկայացնելու կամ զեկույցներ ստանալու»,- նշեց Նորիկյանը: Փաստաբանի դիտարկմամբ՝ դա սահմանադրական կոպտագույն խախտում է։
Մանրամասները՝ տեսանյութում։
