16.12.2025 | 16:15
Ամոթ է ուսադիր կրող մարդու համար․ Պապիկյանը՝ պահեստազորի փոխգնդապետի հայտարարության մասին. ՏԵՍԱՆՅՈՒԹ
ԱՄՆ-ն Ադրբեջանի իշխանություններին կոչ է արել ազատ արձակել բոլոր քաղբանտարկյալներին
Քաղաքականություն
07.02.2023 | 16:09
Ադրբեջանում ԱՄՆ դեսպանատունը մտահոգություն է հայտնել ընդդիմադիր ակտիվիստ Բախտիյար Հաջիևի ձերբակալություն կապակցությամբ և իշխանություններին կոչ է արել ազատ արձակել նրան, գրում են ադրբեջանական լրատվամիջոցները։
«Մենք շատ անհանգստացած ենք Բախտիյար Հաջիևի կալանքի կապակցությամբ և նրա առողջական խնդիրների մասին հաղորդումներով։ Մենք շարունակում ենք կոչ անել իշխանություններին՝ հնարավորինս շուտ ազատ արձակել նրան։ Մենք նաև կոչ ենք անում իշխանություններին՝ ազատ արձակել քաղբանտարկյալ համարվող մյուս բոլոր անձանց»,- հայտարարել է ԱՄՆ դեսպանատունը։
Հավելենք, որ Հաջիևը ձերբակալվել է դեկտեմբերի 9-ին՝ խուլիգանության և դատարանի նկատմամբ անհարգալից վերաբերմունքի մեղադրանքով։ Նույն օրը Խաթայի շրջանային դատարանը նրան կալանավորել է 1 ամիս 20 օրով։ Դեկտեմբերի 15-ին Հաջիևը հացադուլ է հայտարարել՝ պահանջելով իրեն ազատ արձակել։ Դեկտեմբերի 28-ին նա դադարեցրել է հացադուլը՝ հասարակության և ընտանիքի անդամների համառ կոչերից հետո, սակայն հունվարի 9-ին վերսկսել է հացադուլը այն բանից հետո, երբ վերաքննիչ դատարանը մերժել է նրան ազատ արձակել։ Հունվարի 21-ին դատարանը ևս 1 ամսով երկարացրել է Հաջիևի կալանքը։ Նա 30 օր է՝ հացադուլի մեջ է։
Հավելենք, որ ԱՄՆ Պետքարտուղարությունը նույնպես Ադրբեջանի իշխանություններին կոչ է արել ազատ արձակել Հաջիևին։
Էմմա Չոբանյան
