26.02.2026 | 21:37
Իսրայելը և Հնդկաստանը ստորագրել են 16 հուշագիր` խորացնելով ռազմավարական գործընկերությունը
Զելենսկին կարող է մեկնել Բրյուսել՝ մասնակցելու ԵՄ գագաթնաժողովին
Քաղաքականություն
06.02.2023 | 18:04
Եվրամիությունը պատրաստվում է այս շաբաթ Բրյուսելում կայանալիք գագաթնաժողովին Ուկրաինայի նախագահ Վլադիմիր Զելենսկիի այցին։ FT-ին այս մասին հայտնել են Ուկրաինայի նախագահի ծրագրերին ծանոթ աղբյուրները։ Նրանց կարծիքով՝ ուղևորությունը, սակայն, կարող է խափանվել Զելենսկիի անվտանգության հետ կապված մտահոգությունների պատճառով, գրում է BBC-ի ռուսական ծառայությունը։
Եթե Ուկրաինայի նախագահը կարողանա ելույթ ունենալ Եվրախորհրդարանի հատուկ նիստում, ապա սա կլինի նրա երկրորդ այցը Ուկրաինայի սահմաններից դուրս՝ գրեթե մեկ տարի առաջ պատերազմի սկսվելուց հետո։
Ուկրաինան ստացել է Եվրամիության անդամության թեկնածուի կարգավիճակ և պնդում է դաշինք արագացված մուտքի հարցում։
Նշվում է, որ եվրոպական երկրներն ԱՄՆ-ից հետո դարձել են նաև Ուկրաինային զենք մատակարարող ամենախոշոր երկրները։ Անցյալ ամիս ԵՄ-ն սկսել է երկրին տրամադրել 18 միլիարդ եվրոյի մակրոֆինանսական օգնության փաթեթ։ Անցյալ շաբաթ էլ Ուկրաինայի նախագահը Կիևում հյուրընկալել էր Եվրահանձնաժողովի նախագահ Ուրսուլա ֆոն դեր Լեյենին և Եվրոպական խորհրդի նախագահ Շառլ Միշելին։
Ուկրաինայի նախագահի միակ արտասահմանյան այցը 2022 թվականի փետրվարի 24-ին Ռուսաստանի կողմից Ուկրաինա ներխուժելուց հետո դեկտեմբերյան այցն էր Վաշինգտոն, որտեղ նա բանակցություններ է անցկացրել ԱՄՆ նախագահ Ջո Բայդենի հետ և ելույթ ունեցել Կոնգրեսի նիստում:
Էմմա Չոբանյան
