05.11.2024 | 19:30
Որոշ բուհեր կարող են փակվել․ օրենքի նոր նախագիծը մտահոգել է մասնագետներին․ ՏԵՍԱՆՅՈՒԹ
Սիրիայում երկրաշարժը 230 մարդու կյանք է խլել, վիրավորների թիվը գերազանցում է 600-ը
Քաղաքականություն
06.02.2023 | 14:15
Թուրքիայի հարավ-արևելքում և Սիրիայի հյուսիսում տեղի ունեցած երկրաշարժի հետևանքով զոհերի ու վիրավորների թիվը շարունակում է աճել։ DW-ի ռուսական ծառայության հաղորդմամբ՝ Սիրիայի իշխանությունները հայտնել են շուրջ 230 զոհի և ավելի քան 600 վիրավորի մասին։
Իր հերթին, SAMS բարեգործական կազմակերպությունը, որը գործում է ապստամբների կողմից վերահսկվող շրջաններում, հաղորդել է այդ տարածքներում ավելի քան 100 մահվան մասին։
Սիրիական ամերիկյան բժշկական ընկերակցության Մերձավոր Արևելքի տարածաշրջանային տնօրեն Մազեն Կիվարան Al Jazeera-ին ասել է, որ Սիրիայում առողջապահական համակարգը «ծանրաբեռնված է բժշկական օգնության կարիք ունեցող մարդկանց թվի պատճառով, քանի որ որոշ հիվանդանոցներ տուժել են երկրաշարժից»: Նա նշել է, որ իր թիմը ստիպված է եղել տարհանել Աֆրինի ծննդատունը և հայտնել առնվազն հինգ մահվան մասին, այդ թվում՝ հղի կնոջ:
Հիշեցնենք, որ երկրաշարժի էպիկենտրոնը թուրքական Քահրամանմարաշ նահանգն է, որը սահմանակից է Սիրիային։ Երկրաշարժը զգացվել է նաև Իրաքի, Լիբանանի, Իսրայելի մի շարք բնակավայրերում։
Էմմա Չոբանյան
