17.05.2026 | 19:17
«Սուրբ Հովհաննես» մատուռ բարձրացող սարալանջին քաղաքացին վնասել է ոտքը․ փրկարարներն են օգնության հասել
ԱՄՆ Կոնգրեսը Թուրքիային F-16-ի վաճառքը կապում է ՆԱՏՕ-ին Շվեդիայի ու Ֆինլանդիայի անդամության հավանություն տալուց
Քաղաքականություն
03.02.2023 | 22:00
ԱՄՆ Կոնգրեսը չի կարող աջակցել Թուրքիային 20 մլրդ դոլար արժողությամբ F-16 կործանիչների վաճառքին, քանի դեռ Անկարան չի վավերացրել Շվեդիայի և Ֆինլանդիայի անդամակցությունը ՆԱՏՕ-ին։ Այս մասին հայտարարություն է տարածել սենատորների երկկուսակցական խումբը։
Նախագահ Ջո Բայդենին ուղղված նամակում 29 դեմոկրատ և հանրապետական սենատորներն ասում են, որ երկու սկանդինավյան երկրներ «լիարժեք և բարեխիղճ ջանքեր են գործադրում» Թուրքիայի խնդրած պայմանները բավարարելու համար, թեև Անկարան ասում է, որ Շվեդիան պետք է ավելին անի:
Սա առաջին դեպքն է, երբ Կոնգրեսը բացահայտորեն և ուղղակիորեն Թուրքիային F-16-ի վաճառքը կապում է երկու սկանդինավյան երկրների ՆԱՏՕ-ին անդամակցելու հայտերի հետ: Բայդենի վարչակազմը բազմիցս հայտարարել է, որ աջակցում է կործանիչների վաճառքին թեև, այժմ նշում են, որ Շվեդիայի և Ֆինլանդիայի ՆԱՏՕ-ին անդամակցության վավերացումը կհեշտացնի վաճառքի գործընթացը:
Հավելենք, որ Թուրքիան շարունակում է չվավերացնել Շվեդիայի ու Ֆինլանդիայի ՆԱՏՕ-ի անդամության հայտերը ՝պարերաբար տարբեր պահանջներ առաջ քաշելով։Թուրքիան 2021 թվականի հոկտեմբերին դիմել է ԱՄՆ-ին Lockheed Martin ընկերության 40 F-16 կործանիչ և իր կործանիչների համար մոտ 80 արդիականացման սարքեր ձեռք բերելու նպատակով։
Էմմա Չոբանյան
