16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
Համայնքներում տարածված է՝ արձակուրդ են ուղարկում առանց վճարելու, ստիպում անվճար աշխատել արձակուրդի գնացած աշխատակցի փոխարեն․ Լևոն Բարսեղյան․ ՏԵՍԱՆՅՈՒԹ
Հասարակություն
01.02.2023 | 16:42
Ընթանում է «Աշխատանքային իրավունքների պաշտպանությունը Հայաստանում՝ մարտահրավերներ և հնարավորություններ» թեմայով աշխատաժողովը, որի նպատակն է ամբողջացնել ՀՀ-ում աշխատանքային իրավունքների պաշտպանության մեխանիզմների հզորացման վերաբերյալ քաղաքացիական հասարակության կազմակերպությունների առաջարկությունները օրենսդրության, ինստիտուցիոնալ և գործնական կիրառման ուղղություններով:
«Մենք լուսաբանում ենք աշխատանքային վեճերը․ մարդիկ երբեմն ներկայանում են, բայց շատ հաճախ էլ անստորագիր են բողոքում։ Տարեկան 6-8 հոգի, առանց ներկայանալու, բողոքում է և ասում՝ պաշտպանեք մեր իրավունքները, բայց մեր անուն-ազգանունները չենք ասում։ Այս խնդիրը դեռ կա, մարդիկ վախենում են ներկայանալ»,- այս մասին աշխատաժողովի ժամանակ նշեց Ժուռնալիստների «Ասպարեզ» ակումբի խորհրդի նախագահ Լևոն Բարսեղյանը։
Նրա հավաստմամբ՝ օրինակ՝ համայնքներում շատ տարածված է մանկապարտեզների դաստիարակչուհիներին ստիպել անվճար աշխատել արձակուրդ գնացած գործընկերուհու փոխարեն կամ արձակուրդ ուղարկել առանց վճարելու։
Բարսեղյանի խոսքով՝ մարդիկ բողոքում են նաև արհմիությունների գործունեությունից, որոնք չեն միջամտում աշխատանքային վեճերին։
«Եվ վերջին ճանապարհը, որ զարմանալիորեն գործում է, մենք ցինիզմով անվանում ենք «մայրուղի»․ այսինքն՝ տնօրեններին «հանում ենք մայրուղի», և հաջորդ օրը խնդիրը լուծվում է։ Բայց «մայրուղային շանտաժով» չէ, որ պետք է լուծվեն այս խնդիրները»,- ասաց Բարսեղյանը։
Մանրամասները՝ տեսանյութում։
