ՏԻՄ ընտրությունների ժամանակ հարկադրվել է աշխատողին ազատման դիմում գրել, կամ հրաժարվել թեկնածությունից․ ՄԻՊ ներկայացուցիչ․ ՏԵՍԱՆՅՈՒԹ

Աշխատանքային իրավունքների վերաբերյալ՝ ՄԻՊ-ին հասցեգրված բողոքների ուսումնասիրությունը վկայում է այն մասին, որ դրանք հիմնականում վերաբերում են մասնավոր ոլորտին։ Իսկ ՄԻՊ-ը իրավունք չունի մասնավոր մարմինների դեմ բողոքները քննարկելու, այդ պատճառով դրանք ուսումնասիրովում են ՄԻՊ աշխատակազմում և հասցեագրվում են իրավասու մարիններին։ Այս մասին «Աշխատանքային իրավունքների պաշտպանությունը Հայաստանում՝ մարտահրավերներ և հնարավորություններ» թեմայով աշխտաժողովի ժամանակ հայտնեց ՄԻՊ գրասենյակի սոցիալ-տնտեսական և մշակութային իրավունքների պաշտպանության վարչության պետ Սյուզաննա Սարգսյանը։

Նրա խոսքով՝ եթե դիմում-բողոքները գտնվում են ՄԻՊ-ի իրավասության տիրույթում, սկսվում է քննարկման ընթացակարգ և համապատասխան պարզաբանումներ են պահանջվում պետական մարմիններից։

«Բողոքները մեծամասամբ վերաբերում են աշխատանքից ազատման դեպքում վերջնահաշվարկ չկատարելուն կամ թերի կատարելուն։ Բողոքները շատ են նաև աշխատավարձերի չվճարման հետ կապված։

Մտահոգիչ է, որ պետական մարմիններում արձանագրվում են աշախատանքից ազատման դիմում գրելու հարկադրանքի դեպքեր։
Օրինակ՝ ՏԻՄ ընտրությունների ժամանակ հարկադրվել է աշխատողին ազատման դիմում գրել կամ հրաժարվել թեկնածությունից։
ՄԻՊ-ը բողոքներ է ստացել նաև աշխատանքից ազատման մասին ծանուցման ժամկետների խախտման վերաբերյալ»,- նշեց ՄԻՊ ներկայացուցիչը։

Մանրամասները՝ տեսանյութում։