26.07.2026 | 20:00
Ի՞նչ արժե անվճար կայանատեղին. վճարովի օգնություն «ստայանշիկ»-ներից. ապօրինի արգելքների ՇԵՐՏԵՐԸ. ՏԵՍԱՆՅՈւԹ
Ալիևը մեղադրել է Թեհրանին դեսպանատան վրա հարձակումը կանխելու միջոցներ չձեռնարկելու համար
Քաղաքականություն
01.02.2023 | 15:09
Ադրբեջանի նախագահ Իլհամ Ալիևը տեսակապով քննարկում է ունեցել Թուրքիայի ազգային կրթության նախարար Մահմութ Օզերի և Թուրքիայի Ազգային մեծ ժողովի մի խումբ պատգամավորների հետ։ Ադրբեջանական լրատվամիջոցների հաղորդմամբ՝ Ալիևը խոսել է նաև Թեհրանում Ադրբեջանի դեսպանատան վրա հարձակումից։ Նա մեղադրանքներ է հնչեցրել Իրանի հասցեին՝ նշելով, որ «չնայած այն հանգամանքին, որ այդ անձի կողմից դեսպանատան շենքում տեղի ունեցած ահաբեկչության ընթացքը երկար է տևել, Իրանի ոստիկանության և անվտանգության ուժերի կողմից լուրջ միջոցներ չեն ձեռնարկվել»։
Հիշեցնենք, որ Իրանում Ադրբեջանի դեսպանատան վրա հարձակման հետևանքով 1 մարդ զոհվել էր, կան վիրավորներ, հարձակվողին ձերբակալել են։ Պաշտոնական Բաքուն Իրանում Ադրբեջանի դեսպանատան վրա իրականացված հարձակումն «ահաբեկչություն» է որակել։ Հարձակման վերաբերյալ Թեհրանի քրեական դատախազի պաշտոնակատարն ասել է, որ զինված անձը Թեհրանում Ադրբեջանի դեսպանատան վրա հարձակվել է անձնական դրդապատճառներով։ Միջադեպից հետո Բաքուն տարհանել է Թեհրանում Ադրբեջանի դեսպանատան աշխատակիցներին, և այս պահին դեսպանատան գործունեությունը դադարեցված է։
Էմմա Չոբանյան
