20.04.2026 | 16:45
Սերժ Սարգսյանի ստորագրած հողամասի վաճառքի դիմաց ՀՀ-ին կվերադարձվի 78.8 մլն դրամ․ Դատախազություն
Անկարայի դատախազությունը հետաքննում է Ղուրանի այրման դեպքերը Շվեդիայում, Նիդեռլանդներում
Քաղաքականություն
01.02.2023 | 17:41
Անկարայի գլխավոր դատախազությունը հետաքննություն է սկսել երկու ծայրահեղ աջ քաղաքական գործիչների նկատմամբ, որոնք անցած ամիս առանձին միջադեպերի ժամանակ այրել և պատռել էին Ղուրանը, գրում է Bianet-ը։
Հունվարի 21-ին Դանիայի «Stram Kurs» ծայրահեղ աջ կուսակցության ղեկավար Ռասմուս Փալուդանը այրել էր իսլամի սուրբ գիրքը՝ Ստոկհոլմում Թուրքիայի դեսպանատան մոտ ցուցադրելով Մուհամեդ մարգարեի ծաղրանկարը: Հունվարի 27-ին նա կրկնել էր գործողությունը Կոպենհագենի մզկիթի մոտ։ Ծայրահեղ աջ PEGIDA շարժման առաջնորդ Էդվին Վագենսվելդը նույնպես փորձել է այրել Ղուրանը Հաագայի խորհրդարանի շենքի մոտ: Այն բանից հետո, երբ ոստիկանները կանխել էին հրկիզումը, նա պատռել էր մահմեդականների սուրբ գիրքը:
«Հասկանալի է, որ կասկածյալները կատարել են հասարակությանը ատելություն և թշնամանք հրահրելու գործողություններ՝ թիրախավորելով Ղուրանը և իսլամի մարգարեին»,-ասվում է դատախազության հաղորդագրության մեջ։
Քաղաքական գործիչները մեղադրվում են «հասարակության մեջ ատելության և թշնամանքի հրահրելու» և «հասարակության մի մասի կողմից ընդունված կրոնական արժեքները հրապարակայնորեն նվաստացնելու» մեջ։ Թուրքիան նաև դիվանագիտական քայլեր է ձեռնարկել՝ ԱԳՆ կանչելով Դանիայի ու Նիդերլանդների դեսպաններին։
Այս միջադեպերից հետո ԱՄՆ-ի, Մեծ Բրիտանիայի, Գերմանիայի, Նիդերլանդների և Ֆրանսիայի դեսպանատները Թուրքիայում զգուշացրել են իրենց քաղաքացիներին հնարավոր «ահաբեկչական հարձակումների» մասին։
Էմմա Չոբանյան
