14.10.2026 | 14:53
Բաքուն Իրանին և Թուրքիային մեղադրում է Ադրբեջանի դեմ տեղեկատվական հարձակումների մեջ
Չի՛ լինելու, քաղաքացիներին ամեն տեղ բռնել, տուգանել չկա․ Փաշինյանը՝ Օսիպյանին․ ՏԵՍԱՆՅՈՒԹ
Հասարակություն
15.06.2018 | 12:29
Կառավարության հունիսի 15-ի նիստում ՀՀ ոստիկանապետ Վալերի Օսիպյանը Կառավարության համաձայնությանը ներկայացրեց օրենքի նախագիծ, որով առաջարկվում է նոր կարգավորումներ մտցնել տեսանկարահանող սարքավորումների և շրջիկ մեքենաների առնչությամբ։
Հարցի զեկուցումից հետո վարչապետ Նիկոլ Փաշինյանը նկատեց, որ հանրության մեջ կա խուճապային տրամադրություն, որ մեքենաներ են բերվել, որոնք թաքնված նկարահանում են խախտումներ կատարած մեքենաներին. «Արդյոք այս օրենքի կարգավորումը վերաբերո՞ւմ է այդ շրջիկ մեքենաներին»։
Ի պատասխան՝ Վալերի Օսիպյանը նկատեց, որ շարժական ավտոմոբիլներն այս կարգավորմամբ այսուհետ ունենալու են տարբերանշան։
Նիկոլ Փաշինյանը հակադարձեց, որ քաղաքական հայտարարություն են արել, որ քաղաքացիներին ամեն տեղ չեն բռնելու և տուգանեն, իսկ հիմա բերվել է նախագիծ, որով առաջարկվում է նորից շարունակել տուգանել։ «Եկեք դադարեցնենք քաղաքացիների հետևից ընկնելը, ամեն տեղ բռնել, տուգանելը»,- ասաց վարչապետը՝ հավելելով՝ որ չի լինելու նման բան։
Նիկոլ Փաշինյանը նաև նկատեց, որ սրան զուգահեռ Ոստիկանությունը պետք է բացառի երկրում անպատժելիության մթնոլորտը։
Մանրամասները՝ տեսանյութում։
