Աշխատանքային հարաբերություններում խտրականության հաստատման դեպքում պատասխանատվությունը հստակեցված չէ․ ՏԵՍԱՆՅՈՒԹ

Մեկնարկել է «Աշխատանքային իրավունքների պաշտպանությունը Հայաստանում՝ Մարտահրավերներ և հնարավորություններ» թեմայով աշխատաժողովը:

Աշխատաժողովի նպատակն է ամբողջացնել ՀՀ-ում աշխատանքային իրավունքների պաշտպանության մեխանիզմների հզորացման վերաբերյալ քաղաքացիական հասարակության կազմակերպությունների առաջարկությունները օրենսդրության, ինստիտուցիոնալ և գործնական կիրառման ուղղություններով:

Փաստաբան Հայկ Հակոբյանը ներկայացրեց այն կարևոր առաջարկները, որոնք վերբերում են համակարգային բնույթ ունեցող խնդիրներին, սակայն չեն ներառվել աշխատանքային օրենսգրքի փոփոխությունների նախագծում։

Հակոբյանն ընդգծեց, որ աշխատանքային հարաբերություններում խտրականության հաստատման դեպքում պատասխանատվության միջոցը բացակայում է, հստակեցված չէ։

«Թեև օրենսգրիքի 3․1 հոդվածով ունենք խտրականության արգելում աշխատանքային հարաբերություններում, այսինքն՝ սկսած աշխատանքային պայմանագիրը կնքելուց մինչև պայմանագրի լուծելը սահմանվում է խտրականության արգելումը, սակայն հստակեցված չէ պատասխանատվության միջոցը խտրականության դրսևորման փաստի հաստատման դեպքում։
Աշխատանքային օրենսգրքի 265-րդ հոդվածը պատասխանատվություն է նախատեսում միայն անօրինական կերպով աշխատանքից ազատելու դեպքում, չի անդրադառնաում աշխատանքային հարաբերություններում խտրականության դրսևորման այլ դրույթներին, ինչը հակասում է վերանյված Եվրոպական սոցիալական խարտիայի դրույթներին»,- նշեց Հակոբյանը։

Մանրամասները՝ տեսանյութում։