16.12.2025 | 10:06
Տեղի է ունեցել պրոբացիայի և քրեակատարողական ոլորտին առնչվող հարցերի քննարկման միջգերատեսչական հանձնաժողովի անդրանիկ նիստը
Ադրբեջանն իր քաղաքացիներին հորդորում է զերծ մնալ Իրան այցելելուց
Քաղաքականություն
31.01.2023 | 13:00
Ադրբեջանի ԱԳՆ-ն դիմել է Իրան մեկնել ծրագրող երկրի քաղաքացիներին, գրում են տեղական լրատվամիջոցները։
«Հաշվի առնելով Իրանի Իսլամական Հանրապետությունում տիրող անկայուն իրավիճակը և Թեհրանում Ադրբեջանի դեսպանատանը իրականացված «ահաբեկչությունը»՝ երկրի քաղաքացիներին խորհուրդ չի տրվում անհարկի այցելել Իրան։ Նրանք, ովքեր որոշել են մեկնել, պետք է ծայրահեղ զգուշություն ցուցաբերեն»,-ասվում է ԱԳՆ հաղորդագրության մեջ։
Նշվում է, որ Իրանում ներկայում գտնվող Ադրբեջանի քաղաքացիները պետք է չափազանց զգույշ լինեն ու պահպանեն անձնական անվտանգության կանոնները։
Հիշեցնենք՝ Թեհրանում Ադրբեջանի դեսպանատան վրա օրեր առաջ զինված հարձակում էր տեղի ունեցել․ 1 մարդ զոհվել էր, կան վիրավորներ, հարձակվողին ձերբակալել են։ Պաշտոնական Բաքուն Իրանում Ադրբեջանի դեսպանատան վրա իրականացված հարձակումն «ահաբեկչություն» է որակել։ Հարձակման վերաբերյալ Թեհրանի քրեական դատախազի պաշտոնակատարն ասել է, որ զինված անձը Թեհրանում Ադրբեջանի դեսպանատան վրա հարձակվել է անձնական դրդապատճառներով։ Միջադեպից հետո Բաքուն տարհանել է Թեհրանում Ադրբեջանի դեսպանատան աշխատակիցներին։
Էմմա Չոբանյան
