26.07.2026 | 23:49
ՃՏՊ՝ հրդեհի բռնկմամբ․ կան զոհեր և տուժածներ
Մոսկվան ողջունում է Ադրբեջանի ակտիվ միացումը եվրասիական ինտեգրացիոն գործընթացներին․ ՌԴ ԱԳՆ
Քաղաքականություն
30.01.2023 | 14:56
ՌԴ-ն ողջունում է Բաքվի ակտիվ միացումը եվրասիական ինտեգրացիոն գործընթացներին։ Այս մասին ասվում է արտգործնախարար Սերգեյ Լավրովի՝ տարեկան ամփոփիչ մամուլի ասուլիսի ընթացքում ԶԼՄ-ների հնչեցրած հարցերի պատասխանում։
Նշվում է, որ «Մեծ Եվրասիական գործընկերությունը Ռուսաստանի Դաշնության համար պատեհապաշտ նախագիծ չէ՝ կապված ժամանակային ընդմիջման հետ: Սա հրավեր է՝ զարգացնելու բազմավեկտոր և բազմամակարդակ միջսահմանային համագործակցությունը երկկողմ և միջազգային ձևաչափերով։
Ինչ վերաբերում է վերջինին, և դրա մասին մենք միշտ խոսել ենք, ապա դրա կարևոր բաղադրիչը միջպետական ասոցիացիաների ներուժի շաղկապումն է, որոնց թվում տեսնում ենք գործնական համագործակցությանն ուղղված և դրական լիցքավորված այնպիսի կազմակերպություններ, ինչպիսիք են ՇՀԿ-ն, ԵԱՏՄ-ն, ՀԳՀԾ-ն»,-ասվում է ԱԳՆ պատասխանում։
«Մենք ողջունում ենք Ադրբեջանի ակտիվ միացումը Եվրասիական ինտեգրացիոն գործընթացներին։ 2021-2022 թթ Բաքվում հաջողությամբ անցկացվել են փորձագիտական միջոցառումների շարք՝ նվիրված Եվրասիական թեմաներին, մասնավորապես՝ Ադրբեջանի և ԵԱՏՄ-ի միջև կապերի ամրապնդման հարցերին։ Այս առումով կարևոր իրադարձություն էր 2022 թվականի հոկտեմբերին Ադրբեջանում անցկացված XV Եվրասիական տնտեսական համաժողովը։ Համոզված ենք, որ հետագա քայլերը այդ ուղղությամբ ամբողջովին համապատասխանում են հանրապետության շահերին»,- նշված է հաղորդագրության մեջ։
Էմմա Չոբանյան
