13.09.2026 | 20:00
Ո՞վ կարող է տուն առնել Երևանում․ անշարժ գույքի շուկայի «անհասանելի» ՇԵՐՏԵՐԸ․ ՏԵՍԱՆՅՈՒԹ
Էրդողանը հայտարարել է, թե Մակրոնը իրավունք չունի լինել Ֆրանսիայի նախագահ
Քաղաքականություն
30.01.2023 | 16:49
Թուրքիայի նախագահ Ռեջեփ Թայիփ Էրդողանը Բիլեջիկում հանդիպել է երիտասարդական և այլ կազմկակերպությունների ներկայացուցիչների հետ։ Ելույթի ընթացքում Էրդողանը քննադատել է նաև ֆրանսիայի նախագահ Էմանունել Մակրոնին՝ նշելով, որ վերջինս Ֆրանսիայի նախագահը լինելու «իրավունք չունի», գրում է Անադոլուն։
«Փաստորեն, Ֆրանսիայի գլխին կանգնած անձը, հավատացեք, իրավունք չունի այդ պետության գլխին լինել, չունի որակավորում»,-ասել է Էրդողանը։ Նա հայտարարել է, թե Ֆրանսիան շահագործում է Աֆրիկայի պետությունները, իսկ Մակրոնին մեղադրել է անազնիվ լինելու մեջ։
«Ներկայում Մալին գտնվում է Ֆրանսիայի հետ հարաբերությունների խզման վիճակում։ Բուրկինա Ֆասոն ժամանակ է տվել՝ «մեկ ամիս ենք տալիս։ Մեկ ամսից ցանկանում ենք այստեղ ֆրանսիացի զինվորների չտեսնել»։ Եվ նա արագորեն կորցնում է իր հեղինակությունը Աֆրիկայում։ Մենք բազմաթիվ հանդիպումներ ենք ունեցել նրանց հետ, միջազգային հանդիպումներում և այլն, բայց նրանք ազնիվ չեն։ Անկեղծ եմ ասում։ Բայց նա ազնիվ չէ, մենք էլ ենք ուզում, որ միջազգային քաղաքականությունը կառուցվի ազնվության վրա։ Որտեղ չկա ազնվություն, չկա արժանապատվություն: Իհարկե, աշխարհում նման առաջնորդները շատ են։ Այս պահին նա կորցրել է իր վստահությունը խորհրդարանում: Մնացել է միայն նախագահականում։ Ֆրանսիան անընդհատ կորցնում է վստահությունը, կորցնում է վստահությունը միջազգային հանրության մոտ»,-ասել է Թուրքիայի նախագահը։
Էմմա Չոբանյան
