16.11.2024 | 18:19
ԵՊՀ-ի բակից մեկնարկել է «Համախմբենք ուժերը՝ կանխենք կոռուպցիան» համապետական արշավը
Դատավորներ Ռուզաննա Բարսեղյանի, Մամիկոն Դրմեյանի և Զոյա Զաքինյանի լիազորությունները կդադարեն՝ տարիքը լրանալու կապակցությամբ
Հասարակություն
28.01.2023 | 12:15
Վճռաբեկ դատարանի քաղաքացիական և վարչական պալատի դատավոր Մամիկոն Դրմեյանի, Վերաքննիչ քրեական դատարանի դատավոր Ռուզաննա Բարսեղյանի, Տավուշի մարզի ընդհանուր իրավասության դատարանի դատավոր Զոյա Զաքինյանի լիազորությունները փետրվարին կդադարեն․ լրանում է դատավորների 65 տարին։ Այս մասին տեղեկանում ենք Բարձրագույն դատական խորհրդի կայքից։ Զոյա Զաքինյանի լիազորությունները կդադարեն փետրվարի 10-ին, Մամիկոն Դրմեյանի լիազորությունները՝ փետրվարի 12-ին, Ռուզաննա Բարսեղյանինը՝ փետրվարի 18-ին։
«Հայաստանի Հանրապետության դատական օրենսգիրք» սահմանադրական օրենքի համաձայն՝ դատավորի պաշտոնավարումը դադարում է 65 տարին լրանալու օրվանից, որից ոչ շուտ, քան մեկ ամիս և ոչ ուշ, քան մեկ շաբաթ առաջ Բարձրագույն դատական խորհրդի նախագահը հայտարարություն է տարածում դատական իշխանության պաշտոնական կայքում։
Նշենք, որ առաջին ատյանի դատարանում, ի տարբերություն վերաքննիչ և վճռաբեկ դատարաննների, դատավորները գործերը քննում են միանձնյա, ուստի՝ Տավուշի մարզի ընդհանուր իրավասության դատարանում Զոյա Զաքինյանի վարույթում գտնվող գործերը պետք է վերաբաշխվեն։
Արաքս Մամուլյան
