16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Բոլոր հարցաքննվածները բենզինով վառարանը վառելու վարկածը հաստատել են. Արգիշտի Քյարամյան․ ՏԵՍԱՆՅՈՒԹ
Հասարակություն
26.01.2023 | 12:28
Բոլոր հարցաքննված վկաները վկայում են այն մասին, որ ի սկզբանե առաջ քաշված՝ բենզինով վառարանը վառելու վարկածը հիմնավորվում է: Այս մասին Կառավարության նիստի ընթացքում հայտնեց ՔԿ նախագահ Արգիշտի Քյարամյանը՝ անդրադառնալով Ազատ գյուղի տարածքում տեղակայված զորանոցնոցում բռնկված հրդեհի դեպքին։
Նրա հավաստմամբ՝ երկու օր առաջ օրապահը, ով անմիջականորեն ականատես է եղել դեպքին, ևս ցուցմունք է տվել և հիմնավորել այդ վարկածը:
ՀՀ վարչապետ Նիկոլ Փաշինյանը նշեց, թե այս պահին որ վարկածն է հիմնավորվում:
«Գործի տվյալներով հիմնավորվում է, որ վառարանի կրակը մարած է եղել, զինվորը բերել, փայտեր է լցրել մեջը, որից հետո սպան ասել է՝ մի բանով վառեք, որ կպնի: Զինվորն ասել է՝ մեջը մոխիր կա, ինքն իրեն կկպնի:
Սպան դիզվառելիք է ուզել վարորդներից, որից հետո որոշել է, որ բենզինն ավելի հարմար է:
Վկան տեսել է սպայի հագուստը, բենզինի տարան, տարածքը՝ բռնկված վիճակում»,- նշեց Փաշինյանը:
Վարչապետն ընդգծեց, որ քննությունը պետք է լինի ամբողջական, և որ իրավապահները որևէ բանով կաշկանդված չեն:
Մանրամասները՝ տեսանյութում։
