12.10.2026 | 19:32
Ոստիկանները ապօրինի ձեռնարկատիրական գործունեության դեպքեր են բացահայտել
Որևէ մեկն ինձ չի կարող համոզել, որ ապօրինի հարստացած պաշտոնյաներ չունենք, իսկ ո՞ւր են քրեական գործերը․Դանիել Իոաննիսյան․ ՏԵՍԱՆՅՈՒԹ
Հասարակություն
14.06.2018 | 15:05
«Իրազեկ քաղաքացիների միավորում» ՀԿ-ի ղեկավար Դանիել Իոաննիսյանի համոզմամբ՝ իշխանությունների նկատմամբ քննադատություններն ու համագործակցությունը չպետք է հակադրվեն իրար, իսկ եթե իշխանությունն ադեկվատ է, ինպիսին այսօրվա իշխանությունն է, քննադատել և համագործակցել հնարավոր է։ Այս մասին այսօր «Արևելյան Գործընկերության ապագան ալեկոծ ժամանակներում» թեմայով քննարկման ժամանակ ասաց նա։
Անդրադառնալով ՀՀ-ում մեկնարկած փոփոխություններին՝ նա կարևորեց հատկապես կոռուպցիայի դեմ պայքարը, որն այժմ առկա է, և այս պահին կա քաղաքական կամք այդ արատավոր երևույթի դեմ պայքարելու համար: «Կոռուպցիայի մասով պետք է նշել, որ թեև այս պահին ինտենսիվ պայքար կա այն բանի դեմ, երբ բյուջեից փող է գողացվել կամ բյուջե փող չի մտել, բայց պետք է ուշադրություն դարձնել կոռուպցիայի ճյուղերին։ Օրինակ՝ մենք մինչ այս պահը չունենք ապօրինի հարստացման հիմքով քրեական գործեր, և որևէ մեկն ինձ չի կարող համոզել, որ ապօրինի հարստացած պաշտոնյաներ չունենք»,- ասաց նա՝ նկատելով, որ այստեղ նկատում է շահերի բախում։
Մանրամասները՝ տեսանյութում։
