15.10.2026 | 20:25
Ղրղզստանի նախագահ Սադիր Ժապարովը ժամանել է Հայաստան
Ավագ դպրոցը հեղափոխական փոփոխությունների կարիք ունի. Նաիրա Զոհրաբյան
Քաղաքականություն
03.07.2017 | 13:52
2016 թ-ի բյուջեի կատարողականի քննարկմանը «Ծառուկյան» խմբակցության պատգամավոր Նաիրա Զոհրաբյանը խոսել է ավագ դպրոցի գործառույթների մասին:
«Ավագ դպրոցները կամ պիտի չլինեն, կամ պիտի վերափոխվեն, որովհետև դրանք ծառայում են դպրոցի տնօրեններին»,- ԿԳ նախարարին դիմելով ասել է պատգամավորը ու նշել, որ ծնողները գումար են տալիս, որպեսզի երեխան դպրոց չհաճախի ու փոխարենը պարապի կրկնուսույցի մոտ:
«Ավագ դպրոցները ոչ թե բարեփոխումների, այլև հեղափոխական փոփոխությունների կարիք ունեն»,- ասել է Նաիրա Զոհրաբյանը:
Նաիրա Զոհրաբյանը նաև մտահոգություն է հայտնել գիտական համակարգի վերաբերյալ՝ պնդելով, որ համակարգում «դեդավշինա» է սկսվել:
«Մեր բուհերում 70-85 տարեկան մարդիկ են, ովքեր ըստ օրենքի՝ իրավունք չունեն զբաղվել գործունեությամբ, բայց 10 տեղ աշխատում են: Մարդը պիտի հասկանա, որ «դեդավշինա» չի, մարդը ազատ ոճի պրոֆեսոր չի, որ երբ ուզի գնա, երբ ուզի գա», – նշել է պատգամավորը՝ հավելելով, որ այն ռեկտորները, ովքեր հաճո են իշխանություններին, մնում են իրենց պաշտոններում, իսկ ովքեր ոչ՝ թոշակի են ուղարկվում:
