14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
ՀՀ-ի ու Արցախի իշխանությունների միջև լարված հարաբերությունները Ռուբեն Վարդանյանը BBC-ի եթերում անվանել է «շահարկում»
Քաղաքականություն
23.01.2023 | 15:38
ՀՀ ու Արցախի իշխանությունների միջև լարված հարաբերությունները Արցախի պետնախարար Ռուբեն Վարդանյանն անվանել է «շահարկում» ու հրաժարվել է դրանց մասին խոսել BBC-ին տված հարցազրույցում։ Մասնավորապես լրագրողի այն հարցին, թե « Հայաստանի կառավարությունը՝ վարչապետ Նիկոլ Փաշինյանի գլխավորությամբ, այժմ խիստ քննադատաբար է վերաբերվում Մոսկվային՝ մեղադրելով ռուս խաղաղապահներին իրենց պարտականությունները չկատարելու մեջ։ Բայց դուք, հետաքրքիր է, շատ ավելի քիչ եք քննադատում Մոսկվային։ Ինչո՞ւ», Վարդանյանը պատասխանել է․
«Ես նման տեղեկատվության չեմ տիրապետում։ Եվ, ի դեպ, մեր երկրում գլխավոր մարդը նախագահն է։ Եվ նա միշտ լավ հարաբերություններ է ունեցել վարչապետի (Հայաստանի) հետ։ Ես չգիտեմ, թե ինչի մասին եք խոսում։ Սա շահարկում է, կարծում եմ՝ իմաստ չունի մեր զրույցում քննարկել կամ անդրադառնալ դրան»,-հայտարարել է Վարդանյանը։
Տաթև Ֆռանգյան
